ஏ.ஆர்.ரஹ்மான் : ஒரு கனவின் இசை! பகுதி - 11

ஏ.ஆர்.ரஹ்மான் : ஒரு கனவின் இசை! பகுதி - 11

ரஹ்மான ஒரு ப்ளூ பேபி யாகத்தான் பிறந்தார். குழந்தை பிழைக்குமா என்பதே பெரிய கேள்வியா இருந்தது. அப்பா ரொம்ப டென்ஷன் நா இருந்தார். எப்படியோ குழந்தை உயிர் பிழைத்தது. அப்பா முகத்துல பெரிய நிம்மதி. குழந்தை வளர வளர அதுகிட்ட பெரிய இசைத்திறமை இருந்தததை பார்த்தவர், மிகுந்த உற்சாகம் ஆனார். தம்பிக்கிட்ட எப்பவும் ஒரு ஸ்பெஷல் அக்கறை காட்டுவார். தன்னோடு ரெகார்டிங் ஸ்டுடியோ எல்லாம் கூட்டிட்டு போய் இசை உலகத்தை அறிமுகப்படுத்தி வைத்தார். ஆனா எந்த பாரபட்சமும் கட்டாமல் என்னையும் ரகுமானையும் ஒரே நேரத்தில் பியானோ, கிடார் வகுப்புகள் ல பைலட் எட்வின் , தன்ராஜ் மாஸ்டரிடம் சேர்த்துவிட்டார். நாங்க வாசிப்பதையும் பாடுவதையும் ரொம்ப ரசிச்சு கேட்பார். அப்பெல்லாம் பாட்டும் கூத்துமாஎங்க குடும்பமே ரொம்ப ஜாலியாக இருப்போம். எங்க எல்லாருக்குமே அப்பான்னாரொம்பப் பிடிக்கும். அவர் தந்தது தானே எல்லாமே.

"அற்புதமான வாழ்க்கை அப்பா திடீர்னு இறந்து போனதும் ஸ்தம்பித்து போய்ட்டோம்." என்று அந்த நினைவலைகளில் ஆள்கிறார் ரைஹனா.

அதற்கு பிறகு என்ன ஆனது.?




ஆர்.கே.சேகரின் சமகால மலையாள இசையமைப்பாளர் அர்ஜுனன் மாஸ்டர் இப்போது கேரளாவின் கோட்டயத்தில் தன 73 ஆம் வயதிலும் சுறுசுறுப்பாக திரைப்பட இசை வேளைகளில் ஈடுபட்டுக் கொண்டு இருக்கிறார். குரல் லேசாக தடுமாறினாலும் பழைய நிகழ்வுகளை அவர் தன இதயத்திலேயே வைத்திருக்கிறார்.

உண்மையிலேயே ரஹ்மானுடைய அம்மாவை ஒரு தீர்க்க தரிசினு தான் சொல்லணும். சேகர் இறந்த பொது திலீப் ரொம்பச் சின்ன பையன். ஆனா, அப்பவே என்னைப் போன்ற மியூசிக் டைரக்டர் களை எல்லாம் சந்திச்சு, என் மகனுக்கு இசை வாய்ப்பு கொடுங்க. அவன் கிட்ட பெரிய திறமை இருக்குன்னு சொல்லுவாங்க. "எங்க சேகர் பையனாச்சே மா .. நீங்க இவ்வளவு தூரம் சொல்லனுமா..? உடனே திலீப் பை வரச் சொல்லுங்கமா நு நாங்களும் சொல்லுவோம். அற்புதமா கி போர்டு வாசிப்பான். மியூசிக் இன்ச்ற்றுமென்ட் ல வர ரிப்பேர் எல்லாம் திலீப் ரொம்ப ஈஸி யாச் சரிபண்ணிடுவான். அவனை கி போர்டு வாசிக்க வைகலாமேன்னு தோனுச்சு. ஆனா ரொம்ப சின்னப் பையனா இருக்கானேன்னு யோச்சிசோம். வாய்ப்பு கொடுத்த பொது பொளந்து கட்டினான். அப்ப தான் அவன் ஒரு மியூசிக் கல் மேதை என்பது எங்களுக்கு புரிஞ்சது. எங்களுக்கு முன்னாடியே அந்த உண்மை, அவன் அம்மாவுக்குப் புரிஞ்சதுதான் அற்புதமான விஷயம். அப்ப நாங்க திலீப் கொடுத்தது ரொம்பச் சொற்பமான சம்பளம். எதுவுமே சொல்லாம புன்னகையோடு அந்தத் தொகையை வாங்கிட்டுப் போகும் அந்தப் பையன். அந்த அமைதியும் மசியுரிட்டி தான் ரஹ்மான்னை இந்த அளவுக்கு உயர்த்தி இருக்கு.

தொடரும்..

உங்கள்கருத்துக்களைபகிரவும் ... நன்றி...

ஏ.ஆர்.ரஹ்மான் : ஒரு கனவின் இசை! பகுதி - 10

ஏ.ஆர்.ரஹ்மான் : ஒரு கனவின் இசை! பகுதி - 10

அப்பா மூலமாக தான் திலீப் என்ற ரஹ்மானுக்கு மிகச் சிறுவதிலேயே இசையிலும் இசைபதிவு நுட்பத்திலும் தணியாத ஆர்வம் ஏற்பட்டது.வெட்டில் எப்போதும் இசையைக் கேட்டபடி வளர்ந்த திலீப்புக்கு ,திடீரென்று அப்பாவை நோய் தாக்கியதையும் கிட்ட தட்ட மூன்று ஆண்டுகள் அந்த நோயின் கடுமையான தாக்குதலால் அவர் துடிதடையும் நேரில் கண்ட போது அச்சமாக இருந்தது.சகோதரிகளும் மனம் நொந்தார்கள்.அர்கே போன்ற பிரச்சனை மீண்டும் மீண்டும் தன் குடும்பத்தை தாக்கினால் என்ன செய்வது ,எப்படி சமாளிப்பது என்கிற இனம் புரியாத பயம் அந்த இளம் பிஞ்சுகளை அப்போது ஆட்கொண்டோது.

அந்த மறக்க முடியாத நாட்களை நினைவு கூர்கிறார் ரஹ்மானின் தாய் கரீமா." புள்ளைங்க எல்லாம் ஸ்கூல் குப் போயிடு இருக்குதுங்க ,திடீர்னு அவங்க அப்பா படுத்த படுக்கை ஆகிவிட்டார்.எனக்கு உலகமே இருந்துடுச்சு.அவரை கவனிப்பேனா? பிள்ளைகளை கவனிப்பேனா? மருத்துவமனைக்கும் வீட்டுக்கும் அலைவேன் காரணமே புரியாம.ரொம்ப நாள் மருத்துவமனை ல இருதவரு ஒரு நாள் இறந்தே போய்ட்டாரு.நாங்க இடுஞ்சு போய்டோம்.எந்த நேரமும் ஹர்மொநியனும் கையுமா இருத்த ரஹ்மானுக்கு அப்பா இறந்ததுல ரொம்பவே பதிப்பு.ஸ்கூல் படிப்பை கூட அதல சரியாய் படிக்க முடியல.சின்னப் பிள்ளையை ஸ்டுடியோ வேளைக்கு அனுப்பியே ஆகணும்னு கட்டாயம்.ஆனா அதுக்கெல்லாம் ஒரு விடுவுக் காலம் வரும் ன்னு நான் மனசார நம்பினேன்."



நோயின் தீவிரம் கடுமையான காலகட்டத்தில் வேலூர் சி.எம்.சி. மருத்துவமனையில் ஆர்.கே.சேகர் அனுமதிக்கப் பட்ட போது ,திலீப்பும் சகோதரிகளும் அடிக்கடி சென்று பார்ப்பார்கள். உடல்நலம் வாட்டிய போதும் குழந்தைகளிடம் அதை மறைத்துக்கொண்டு அப்பா புன்னகைப்பார்."நாளைப் படிக்கணும்.ஸ்கூலுக்கு லீவு போடக்கூடாது.அம்மா சொல்றபடி நடந்துக்கணும்." என்றெல்லாம் அறிவுரைகள் சொல்வார்.மகன் திலீபிடம் பேசும்போது மட்டும் அவருக்குத் தனியாக ஒரு பாசம் பொங்கி வரும்.அவனை அள்ளி அணைத்து உச்சிமுகர்வர்.அதற்கு ஒரு தனிப்பட்ட காரணமும் இருந்தது.

ரஹ்மானின் மூத்த சகூதரியான இசையமைப்பாளர் ரைஹானா சொல்கிறார்.. " கல்யாணமான புதுசுல எங்கப்பாகிட்ட யாரோ ஒருத்தர் ' உங்களுக்கு ஒரு மகன் பிறப்பான்.அவன் பெரிய புகழ் அடைவான்' ன்னு சொல்லி இருக்காரு.அப்பாவும் அதை எதிர்பார்த்து ரொம்ப ஆவலா கத்திருந்தார்.ஆனா ,முதல்ல நான் பிறந்தேன்.என்கிட்டே அவர் ரொம்ப பாசமா இருந்தாலும் ,அவர் மனசுக்குள்ள அந்தக் குறை இருந்துகிட்டே இருந்தது.அடுத்ததா திலீப் பிறந்ததும் ,அவரால சந்தோசத்தை தங்க முடியல.."



வாழ்வில் அற்புதங்கள் நிகழும்,அது கடவுள் மூலமாக நடக்கும் என்கிற நம்பிக்கை ரஹ்மானின் குடும்பத்தில் ஒவோருவரிடமும் இருக்கிறது.ஓய்வொரு கட்டத்திலும் யாரோ ஒருவர் வந்து,சில எதிர்கால செய்திகளை சொல்லி வாழ்த்திவிட்டு போனதாக சொல்கிறார்கள்.சேகர் இறந்துபோன அறை இருந்த இடத்தில இசை பதிவு கூடத்தை கட்ட சொல்லி ஆசீர்வாதம் செய்து விட்டு போனாராம் ஒரு இஸ்லாமிய குரு. அங்கே தான் பஞ்சதன் ஸ்டுடியோ கட்டப்பட்டது.ரோஜா அங்கே தான் மலர்ந்தது.

தொடரும்..

உங்கள் கருத்துக்களை பகிரவும் ... நன்றி...

ஏ.ஆர்.ரஹ்மான் : ஒரு கனவின் இசை! பகுதி - 9

ஏ.ஆர்.ரஹ்மான் : ஒரு கனவின் இசை! பகுதி - 9

ஆர்.கே.சேகர் கடைசியாக இசை அமைத்த படம் 1976 -இல் வெளியான "சொட்டாநிகர அம்மா ". அதில் இடம்பெற்ற "மனசு மனசின்றே காதில்" என்கிற பாட்டு இன்றைக்கும் கேரளாவில் "நீங்கள் கேட்டவை " யாக ஒலிக்கும் அற்புதமான பாட்டு.அந்தப் படம் வெளியான அதே நாளில் தான் இந்த உலகைவிட்டு மறைந்தார் ரஹ்மானின் தந்தை சேகர்.அப்போது அவருடைய வயது 42. தீலிப்புகோ வயது 9.

சேகருக்கு யாரோ சூனியம் வைத்தால் தான் இறந்தார் என்கிற வதந்தி அப்போது இசை உலகில் எழுந்து அடங்கியது.சரியாக கவனிக்கப்படாத அல்சர் தான் அவர் உயிரைப் பறித்தது என்கிறார்கள்.அவரை நன்கு அறிந்த சிலர்!



ஏ.ஆர்.ரஹ்மானின் வீட்டில் இன்றைக்கு இந்தியாவின் புகழ் பெற்ற இயக்குனர்களும் தயாரிப்பாளர்களும் அவருடைய நேரத்திற்காக காத்திருகிறார்கள்.எத்தனைப் பணம் கேட்டாலும் கொட்டிக் கொடுக்க தயாரிப்பாளர்கள் ரெடி!இது இன்றைய நிலைமை.ஆனாலும் சரியான வாய்புகள் கிடைத்து ஒரு நட்சத்திரமாக மின்ன முடியாமல் போன இசைமேதை யான தான் அப்பாவைப் பற்றிய பழைய நினைவுகள் ரஹ்மானை அலைகளிதபடியே தான் இருக்கின்றன.

"எனக்கு வாழ்க்கையில் முதன்முதலாக அறிமுகமான இசையே அப்பாவின் இசைதான் .அப்பாவின் விரல்களை பிடித்துகொண்டு நானும் ரெகார்டிங் செல்வேன்.பெரிய பெர்ய இசை அமைப்பாளர்களும் , இயக்குனர்களும் என் அப்பாவிடம் மரியாதையாக நடந்து கொள்வதைப் பார்பேன்.அப்பாவை நினைத்தால் பெருமையாக இருக்கும்.பிற்காலத்தில் நானும் ஒரு இசை கோப்பளராக பணி புரிந்த போதுதான் அவருடைய பணியின் உன்னதம் எனக்குப் புரிந்தது.



ஒரே சமயத்தில் அவர் பல படங்களுக்கு வேலை செய்வர். ஒரு படத்தில் அவர் இசை அமைப்பாளராக இருப்பர்.அதே நேரம் மற்ற படங்களுக்கு கண்டக்டர் ராக வேலை செய்வர்.ஓய்வு இல்லாத கடும் உழைப்பால் தான் அவர் இறந்தார் என்று எண்ணுகிறேன்.அவரால் உதவி பெற்ற எத்தனையோ பேர் இன்றைக்கும் என்னிடம் வந்து நன்றி சொல்லும் போது என்னால் கண்ணீரை அடக்க முடிய வில்லை அவர் எனக்கு ஒரு முன் உதாரணமாக வாழ்ந்து இருக்கிறார். என்கிறார் ரஹ்மான் நெகிழ்ச்சியோடு.

தன் ஹீரோவான தந்தை ஆர்.கே .சேகரின் அதிர்ச்சியான மரணமும் ,அதைத் தொடர்ந்து அவர் வாழ்வில் நிகழ்ந்த எதிபாராத சம்பவங்களும் தான் திலீப்பை அல்லா ரக்கா ரஹ்மானாக மாற்றியது.!

தொடரும்..

உங்கள் கருத்துக்களை பகிரவும்... நன்றி..:)

ஏ.ஆர்.ரஹ்மான் : ஒரு கனவின் இசை! பகுதி - 8

ஏ.ஆர்.ரஹ்மான் வாழ்க்கை வரலாறு.

சேகரின் 31- இம் வயதில் தான் திருப்பதியில் திருமணம் நடந்தது.கஸ்தூரியை

மனைவியாக்கி கொண்டவருக்கு காஞ்சனா ,திலீப்,பாலா,ரேகா என்று அடுத்து அடுத்துக் குழந்தைகள்.அப்போது மலையாளப் பட உலகில் பல புதுமைகளைப் புகுத்தி வந்தார் சேகர்.பாலமுரளி கிருஷ்ணா வையும் ,

எஸ் .பி.பலசுப்ரமணித்தையும் அங்கே அறிமுகப் படுத்தியவர் அவர் தான்.

கே.ஜே.யேசுதாசின் பிரமாண்டமான கோட்டையை ஊடுருவுவது மலையாளத்தில் அப்போது யாராலும் நினைத்துக் கூடப் பார்க்க முடியாத காலகட்டம்.1972 - இல் வெளியான "மிஸ் மேரி " படத்தில் சேகர் இசைஅமைத்த பி.சுசிலாவின் "நீயென்றே வெளிச்சம் " பாடல் இன்றைக்கும் கிறிஸ்துவ மேரி மாதா பக்திப் பாடல்களில் ஒன்றாகக் கேரளத்தில் பாடப்படுகிறது.

ரஹ்மானிடம் இப்போது நாம் காணும் புதிய டெக்னாலஜீ யில் உள்ள ஆர்வம் அப்போதே ஆர்.கே .சேகரிடம் வெளிபட்டிருகிறது.அவர் அடிக்கடி சிங்கப்பூர் சென்று இசைக் கருவிகள் புதிதாக என்னென்ன வந்திருகின்றன ,இசைப் பதிவு டெக்னாலஜீ யில் என்னென்ன மாற்றங்கள் வந்திருகின்றன என்றெல்லாம் அவதானித்த படி இருதிருக்கிறார்.ஒரு சில குரல்களையே மீண்டும் மீண்டும் கேட்டு அலுத்துப்போய் இருத்த நமக்குப் பல புதிய புதிய குரல்களை அறிமுகப் படுத்தி இசை கேட்கும் அனுபவத்தையே மாற்றிக் காட்டியவர் ரஹ்மான்.அதற்கு முன்னோடியாக இருந்திருக்கிறார் அவருடைய தந்தை ஆர்.கே.சேகர்.

அன்றைய காலகட்டத்தில் சினிமாவுக்குப் பாடுவது என்பது சாதரணமான விஷயம் அல்ல.ரெகார்டிங் தியேட்டர் எல்லாம் இரும்புக் கோட்டைகள்.யாரும் அதனை சீக்கிரத்தில் உள்ளே புக முடியாது.ஆர்.கே.சேகர் அந்தக் கோட்டையில் கதவுகளைப் புதிய பாடகர்களுகுத் திறந்துவிட்டார்.பிரும்மானந்தன் ,சதானந்தன் ,சுதா வர்மா ,கோபால கிருஷ்ணன், சோமன் ,போன்குந்தம் ரவி,ஜெயலக்ஷ்மி ,கஸ்தூரி சங்கர்,மனோகரன்,அம்பிலி,ஜெயஸ்ரீ போன்று எந்தனையோ பாடகர்களை அறிமுகம் செய்தார் சேகர்.அந்த "லெகஸி", அவர் மகன் ரஹ்மான் வழியே தொடர்கிறது.

ஆர்.கே.சேகர் மலையாளத்தில் 110 பாடல்களுக்கு இசையமைத்திருக்கிறார். யேசுதாஸ் ,ஜெயச்சந்திரன் ,பி.சுசீலா,வாணி ஜெயராம் போன்ற பாடகர்கள் அவருடைய இசையில் எண்ணற்ற பிரமாதமான பாடல்களைப் பாடியிருகிறார்கள்.இன்றைக்கும் சேகரின் இசை கேரளத்தில் வற்றாத ஜீவா ஊற்றாகத் தொடர்ந்து ஒலித்துக் கொண்டே இருக்கிறது.

ஏ.ஆர்.ரஹ்மான் : ஒரு கனவின் இசை! பகுதி - 7

ஏ.ஆர்.ரஹ்மான் வாழ்க்கை வரலாறு.

ஏ.ஆர்.ரஹ்மானின் தந்தை ஆர்.கே .சேகர் இடைவிடாமல் பணி புரிந்த காலத்தில் உணவைப் பற்றியோ ,ஓய்வைப் பற்றியோ கவலைப்பட்டதே இல்லை.டீயும் ஒரு சில பிஸ்கட்டுகளையும் மட்டுமே சாப்பிட்டு வீட்டு ரெகார்டிங் அறையே கதி எனக் கிடந்தார்.சில சமயம் ,நள்ளிரவு வேலையில் அவருக்கு கடும் வயிற்று வலி ஏற்படும்.வலி போருக்க முடியாமல் தலையனையை வயிற்றிற்கு கொடுத்து குறுகிப் படுத்துக் கிடப்பார்.உயிரைக் கொள்ளும் அந்த வலி கொஞ்சம் கொஞ்சமாக அடங்கியதும் மெல்ல கண் அயர்வார்.இமை மூடி ஓரிரு மணி நேரமே ஆகி இருக்கும் ...அதற்குள் விடிய ஆரம்பித்து விடும்.காலை எழு மணிக்கே இசை பணியாளர்கள் காதிருப்பார்களே என்கிற அலாரம் அடித்ததும்,தூக்கம் கலைத்து எழுந்து ஒளிபதிவுக் கூடத்துக்கு ஓடுவர்.வயிற்று வலியைப் பற்றி மருத்துவரிடம் ஆலோசிக்கக் கூட நேரம் இல்லை.அந்த வலியைப் பற்றி அவர் யாரிடமும் சொல்வதுவும் இல்லை.


இதில் மற்றொரு சோகம் என்னவென்றால் ... மகத்தான இசை அமைப்பாளரான அவர், தனக்கான பட வாய்ப்புகள் இன்றி ,பிற இசை அமைப்பாளர்களுக்கே வேலை செய்தது தான். பழசிராஜா படத்தில் , அருமையான 10 பாடல்களைக் கொடுத்தார் சேகர்.அதில் ஏ.எம்.ராஜாவும் ,எஸ்.ஜானகியும் பாடிய "சிரகற்று வீனொரு கொச்சுத் தும்பி ...", பி.சுசீலா படிய பிரபல தாலாட்டுப் பாடலான "முத்தே வாவாவூ " போன்ற பாடல்கள் இண்டைக்கும் கேட்பதற்கு சுகமாக இருக்கும்."சாயிபே .. சாயிபே ..அஸ்ஸலாமு அலைக்கும்" என்கிற பட்டு அங்கே ஒரு trendsetter .அதற்கு அடுத்து அவர் இசைஅமைப்பில் பல வருடங்களுக்குப் பிறகு வெளிவந்த "ஆயிஷா " படத்தில் பி.பி. ஸ்ரீநிவாஸ் பாடிய 'யாத்ராகரா போவுக போவுக ... ' பாட்டு பி.பி.ஸ்ரீனிவாசின் மிகச்சிறந்த பாடல்களில் ஒன்று.ஆனாலும் ஒரு மனிதனால் எவ்வளவு நாட்கள் தான் இசை அமைக்கும் வைப்பு கிடைக்காமல் பொருளாதார ரீதியாக சமாளிக்க முடியும்? நாட்கள் செல்ல செல்ல ,ஆர்.கே.சேகரின் நோய் தான் கொடூர கரங்களால் அவரிச் சுற்றி வளைத்தது.நடமாட முடியாதபடி படுக்கையில் விழுந்தார்.சிறுவனாக இருத்த திலீப் அப்போது மருத்துவமனைக்குத் தினமும் சென்று அப்பாவை பார்த்த நினைவுகள் ,அவரது மனதில் நீங்காத சித்திரங்களாக பதிந்திருகின்றன.



அப்பா மருத்துவ மனையில் படுத்திருக்கிறார்.சுற்றிலும் நிற்கும் அவருடைய உதவியாளர்கள்,அவர் சொல்லும் இசை நோட்டுகளைக் குறிபெடுத்துக் கொண்டு இருக்கிறார்கள்.சில சினிமா இயக்குனர்கள் வந்து ,"இந்த நிலைமையில் இப்படிச் சொல்லக் கஷ்டமா இருக்கு.ஆனா ,நீங்க எழுந்து வந்தால் தான் எங்க பட மியூசிக் எல்லாம் கம்பலீட் ஆகும் ." என்று சங்கடத்துடன் சொல்கிறார்கள்.நோயின் தீவிரத்துக்கு நடுவிலும் டுன் கலைக் கேட்டு அதற்கான அரங்கேமென்ட் நோட்டுகளை எழுதிக் கொடுக்கிறார் சேகர்.பிரபல திரைப்படப் பாடலாசிரியர் ஸ்ரீகுமாரன் தம்பி வந்து சேகரின் கைகளைப் பற்றிக்கொண்டு சீக்கிரமே குணமாகீடுவீங்க , நாம சேர்ந்து சீக்கிரமே மறுபடியும் மியூசிக் செய்யலாம்" என்கிறார்.இருவரும் இணைந்து பல படங்களில் சிறந்த பாடல்களைக் கொடுத்தவர்கள்.ஒரு வறண்ட புன்னகையை அவருக்கு பரிசாக அளிக்கிறார் சேகர்.தான் நோயைப் பற்றிய தீவிரம் அவருக்கு அப்போது தெரிந்தே இருந்தது. சிறுவன் திலீப் இந்தக் காட்சிகளை எல்லாம் ஒரு வித பிரம்மிப்புடன் குழப்பமாக பார்க்கிறான்.



ஒரு தேனீயைப் போல சுறுசுறுப்பாக சுழன்று வேலை பார்த்த அப்பாவுக்குத் தீடிரென்று என்ன ஆனது என்று புரியவில்லை.அப்பா ஒரு சிறந்த இசை அமைப்பாளர் என்பது மட்டும் தான் தெரியும்.வீட்டில் அப்பா சேகரித்து வைத்திருந்த இசைதத் தட்டுகள்,இசைக் கருவிகளும் தான் திலீப்பின் விருப்பமான உலகம்.விரைவில் அப்பாவுக்கு உடம்பு சரியாகிவிடும் , முன்பு போல அவர் உற்சாகமாக இசைப் பணிகளுக்குத் திரும்புவார் என்று திலீப் நம்பினான்.ஆனால் ,அந்த நம்பிக்கை நனவாகவில்லை .அப்பாவின் உடல் நிலை நாளுக்கு நாள் மோசமாகியது.

தொடரும் ...

ஏ.ஆர்.ரஹ்மான் : ஒரு கனவின் இசை! பகுதி - 6

ஏ.ஆர்.ரஹ்மான் வாழ்க்கை வரலாறு.

History repeats itself:

அந்த காலங்களில் சேகர் கொடுக்கும் இசை 'நோட்'டுகளை காம்ப்ஹோ ஆர்கனிலும் , கிடரிலும் வாசிப்பவராகப் பணியாற்றி இருக்கிறார் இளையராஜா.பின்னலில் சேகரின் மகன் ரஹ்மான், இளையராஜாவின் கீ போர்டு வாசிபவராகப் பணியாற்றியது ஒரு ஆங்கிலப் பழமொழியை நினைவுபடுத்துகிறது. "History Repeats itself".

தமிழக ஆரசுப் பணியில் மின்சாரத் துறையில் பணியாளராகத் தான் வாழ்வைத் துவக்கிய சேகர், ஒரு கட்டத்தில் இசைத் துறைக்கு மாறினார்.ஹார்மோனியக் கருவியில் இயல்பாகவே மிகுந்த திறமையுடன் இருத்த அவர், தட்சிணாமூர்த்தி இடம் கர்நாடக இசை கற்றுத் தேர்ந்தார்.கொஞ்சம் கொஞ்சமாக இசையின் பல்வேறு பரிணாமங்களையும் புரிந்து கொண்ட இசை கோப்பலரகவும், இசை நடத்துனராகவும் மாறினார்.

மலையாளப் பட இசை உலகில் திறமையான இசை அமைப்பாளர்கள் இருந்தனர்.அவர்களில் டியூன் போடுவதில் திறமை பெற்றிருந்த பலர், அதை ஒரு அமைப்பு ரீதியான இசைப்படிவமாக மாற்றக்கூடிய , சரியான இசை நோட் களை எழுதி வாதியக்கரர்களுக்கு கொடுக்க கூடிய திறன் இல்லாமல் இருந்தார்கள்.அவர்களுக்கு எல்லாம் ஒரு வரப்ரசாதமாக இருதார் சேகர்.



" 'பழசிராஜா' படத்தின் மூலம் சூப்பர் ஹிட் பாடல்களை கொடுத்து மலையாளப்பட இசை உலகில் புயல் என புகுந்த ஆர். கே .சேகர், தான் அடுத்த பட வாய்ப்புக்காக எட்டு வருடம் காத்திருந்ததையும் , நடுவே பொருளாதார தேவைக்காக இப்படிப்பட்ட இசை நடத்துனர் வாய்ப்புகளை தட்ட முடியாமலும் இருந்ததைப் பற்றிய நிலையை என்ன வென்று சொல்வது.?" என்று பெருமூச்சு விடுகிறார் ஷாஜி.

ஓய்வு ஒழிச்சல் இல்லாத சேகரின் இசைப் பணி ராப்பகலாக நடந்தது. வீட்டை விடு வெளியே செல்லும் சேகர்,வேலை முடிந்து எப்போது வீடு திரும்புவர் என்று அவர் குடும்பத்திற்கே தெரியாது.அந்தப் ஓயாப்பனியும் அலைச்சலும் கடும் உழைப்பும் தான் ரஹ்மானின் தந்தை ஆர்.கே.சேகரை ஒரு கட்டத்தில் படுத்த படுக்கையில் தள்ளியது.

தொடரும்....
உங்கள் கருத்துகளை பகிக்ரவும் நன்றி.. :)

ஏ.ஆர்.ரஹ்மான் : ஒரு கனவின் இசை! பகுதி - 5

ஏ.ஆர்.ரஹ்மான் வாழ்க்கை வரலாறு.

ஆர்.கே.சேகர்...மலையாளப்பட இசை உலகில் முற்றிலும் புதிய சிந்தனைகளுடன் ஆரவாரம் இல்லாமல் நுழைந்த தமிழர்.ஆனால் அவரை மனதார வரவேற்க ரசிகர்களை தவிர யாரும் இல்லை.ஏனென்றால் ஒரு மரபு ரீதியான கேரளா இசைக்கு மட்டுமே பழக்கப்பட்டு இருந்த மலையாளப்பட இசை உலகம் ,அந்த இசை பாணியை பிடிவாதமாக விரும்பியது.வேறொரு இசையின் புதியன புகுதலில் யாரும் ஆர்வம் இல்லாமல் இருந்த சூழல்.

சலில் சௌதிரி போன்ற ஒரு சில இசை அமைப்பாளர்களே அங்கே தங்கள் தனித்திறமையால் சில மட்ட்ரங்களை ஏற்படுத்தி இருதர்கள்.இசையில் பல புதுமைகள் செய்திட வேண்டும் என்று விரும்பிய ஆர்.கே.சேகருக்கு, அப்போது அங்கே இரத்தின கம்பளம் கிடைக்காததில் ஆச்சரியம் ஏதும் இல்லை.மாபெரும் கலைஞர்கள் பலரை இந்த சமூகம் தான் அறியாமையால் கண்டுகொள்ளாமல் கை விட்டிருப்பது சரித்திரம்.அதைப்பற்றி சேகர் கவலைப் பட்டதே இல்லை.



படத்துக்கு இசை அமைக்கும் வைப்பு தனக்கு வருகிறதா இல்லையா என்பது எல்லாம் அவருக்கு ஒரு பொருட்டே அல்ல.இசை வேலைகளில் எப்போதும் ஈடுபட்டுக் கொண்டே இருக்கவேண்டும் என்பது மட்டுமே அவருடைய ஒரே குறிக்கோள்.ஓய்வு ஒழிச்சல் இன்றி உழைத்து, சரியான உணவு உட்கொள்ளும் பழக்கமும் இல்லாமல், ஒரு வோர்கஹளிக் காக பணியாற்றிய விளைவை தான் மிக இளம் வயதிலேயே அவர் கொடுக்க வேண்டி இருந்தது.

இந்தியத் திரை இசையின் முதல் ஒளிப்பதிவான , 1902 -இல் வேயல்யான கோவ்கார் ஜான் முதல் கொண்டு லேட்டஸ்ட் டாக வெளியான ரஹ்மானின் டெல்லி 6 வரை ஏகப்பட்ட இசைத் தொகுப்புகளை தனிப்பட்ட ரசனைக்க ஒரு பொக்கிஷம் போல பாதுகாத்து வந்திருக்கும் இசை விமர்சகர் எழுத்தாளர் ஷாஜி.

இவர், ரஹ்மானின் தந்தை ஆர்.கே.சேகர் இசை அமைத்த பல பாடல்களின் தொகுப்பை செதேக்களில் பதுவு செய்து ரஹ்மானிடம் கொடுத்திருக்கிறார்.ரஹ்மானிடமே அந்த பாடல்கள் இல்லை.தன்னிடம் கைவசம் இல்லாத தன் தந்தையின் அப்போர்வமான பாடல்களைக் கேட்கும் ஒரு மகனின் பரவச மனநிலையை நீங்கள் யுகிதுக்கொல்ள்ளலாம்.



கேரளாவில் மெல்லிசை குழுக்களில் அன்று முதல் இன்று வரை மேடைகளில் தவறாமல் பாடி வரும் ஒரு பாடல் , 'பழசிராஜா ' படத்தில் ஆர்.கே.சேகரின் இசை அமைப்பில் உருவான ஏசுதாஸ் பாடிய "சொட்ட முதல் சுடல வாறே " என்று வரும் பாட்டு.கடந்த 40 வருடங்களாக எவர்க்ரீன் புகழுடன் இருக்கும் அந்த பாடல் ஏசுதாஸ் சின் ஆரம்ப மலையாளப் பாடல்களில் ஒன்று.ஆர்.கே.சேகர் மொத்தம் 22 மலையாளப் படங்களுக்கு இசை அமைத்து இருக்கிறார்.அதில் நூற்றுக்கும் மேற்பட்ட பாடல்கள் இன்றளவும் கேரளா மக்கள் மனதில் பசுமையாக நிலைத்து இருக்கின்றன.

தனிப்பட்ட முறையில் மிகச்சிறந்த கம்போசராக இருந்தாலும் ,அன்றைய காலகட்டத்தில் இசை கோப்பாலராகவும் ,இசை நடத்துனராகவும் பணிபுரிய அவரைப் போன்ற மிகத் திறமையானவர்கள் தேவைப்பட்டார்கள்.எனவே இசைப் பனியின் மீது தணியாத பித்துக் கொண்ட சேகர், அந்தப் பொறுப்புகளை எல்லாம் உவகையுடன் ஏற்று கொண்டார்." என்கிறார் ஷாஜி.

தொடரும்...

ஏ.ஆர்.ரஹ்மான் : ஒரு கனவின் இசை! பகுதி - 4

ஏ .ஆர்.ரஹ்மான் வாழ்க்கை வரலாறு.

ஏ .ஆர்.ரஹ்மானின் தந்தை ஆர்.கே .சேகர், மலையாள பட இசையுலகில் எத்தனையோ அற்புதமான காலத்தை வெல்ல கூடிய பாடல்களை தந்திருக்கிறார் .இப்போது கம்ப்யூட்டர் ரில் இதை எழுதிக்கொண்டு இருக்கும் போது கூட அதில் அவருடைய 1976 உம் பாடலான "சோபான சங்கீத ராத்திரி " இனிமையாக ஒலித்து கொண்டுதான் இருக்கிறது.சேகரின் பாடல்களை கேட்பவர்களுக்கு ,தந்தைக்கும் மகனுக்கும் இடையே தொடர்து வந்திருக்கும் சங்கிலிப் பிணைப்பு போன்ற நுண்ணியமான இசைதொடர்பை புரிந்து கொள்ள முடியும்.

முந்திய சோவியத் ரஷ்யாவில் ஒரு இளம் வயலும் மேதை இருந்தான் .எட்டு வயதிலேயே மேடைக்கச்சேரி செய்யும் அளவுக்கு புகழ் பெற்று இருந்தான்.அவனுடைய அப்பா ஒரு கால்பந்தாட்ட காரர்.அம்மா, வரலாற்று ஆசிரியர்.இப்படி இருக்கையில் ,இந்த சிறுவனிடம் எப்படி வந்தது இந்த வயலின் இசை மேதைமை என்று ஆராய்ந்தார்கள் . பரம்பரை விவரங்களை தேடியதில் அவனுடைய தாத்தாவுக்கு தாத்தா ஒரு வயலினிஸ்ட் என்பது தெரிய வந்தது.ரஹ்மான் என்னும் இசை மேதை யின் வேர்களை இது போல வேறெங்கும் தேடவேண்டியதில்லை.அது, அவருடைய அப்பா விடமே நிறைத்திருந்தது.

ஆர்.கே.சேகர் பற்றி பார்பதற்கு முன்னால் ஒரு சின்ன பிளாஷ்பாக் ...



அது 1964- ம் ஆண்டு.
வீட்டின் சுவரில் கதா காலட்சேபம் செய்யும் ஒரு பெரியவரின் பழைய புகைப்படம் மாட்டப்பட்டு இருக்கிறது. அதில் " கீழானூர் ராஜகோபால் பாகவதர் " என்று மங்கிய எழுத்துக்கள்.அதன் கீழ் பாயில் அமர்ந்து ,மெய்மறந்து ஒரு டோனை ஹர்மொநியத்தில் வாசித்துக்கொண்டு இருக்கிறார் ஆர்.கே.சேகர்.ஆர்.கே.சேகர் என்பதன் விரிவாக்கம் ராஜகோபால குலசேகர் என்பதே. புகைபடத்தில் காணும் கீழானூர் ராஜகோபால் பாகவதர், அவருடைய தந்தை.அதாவது ரஹ்மானின் தாத்தா.அந்தக் காலங்களில் மயிலாப்பூரில் கோவில்களில் ஹரிகதை பாகவதம் சொல்லியவர்.

சேகர் தன ஹார்மோநியத்தில் அப்போது மலையாளத்தில் அவருடைய இசைஅமைப்பில் வெளியாகி ஹிட் ஆனா "பழசிராஜா " (இப்பொது ரீ - மேக்கில் வந்த படம் ) படத்தின் சூப்பர் ஹிட் பாடலான "சொட்ட முதல் சுடல வாறே." என்கிற படலை வசித்துக் கொண்டிருக்கிறார். அடுத்த சில வருடங்களில் ரஹ்மானை பெற்றெடுக்க போகும் அவர்டைய மனைவி கஸ்தூரி (இப்போது கரீமா ), அவர் வாசிப்பதை ஆனந்தத்துடன் கேட்டுக்கொண்டு இருக்கிறார். அவர் கண்கள் சந்தோஷத்தில் கலங்கு கின்றன.அதை காணும் சேகர், தன பாட்டை நிறுத்திவிட்டு "கஸ்தூரி ஏன் அழுற ?என்னாச்சு?" என்கிறார்.

கஸ்தூரி கண்களை துடைத்துக் கொண்டு "இதுக்காக தானேங்க இதனை நாள் கஷ்டப்பட்டோம்.இப்போ உங்க பாட்டு தான் கேரளாவுல படி தொட்டி எல்லாம் கேளுதுன்னு சொல்றாங்க.." என்கிறார் ."

சேகர் ஒரு வறண்ட புன்னகையுடன் பதில் சொல்கிறார்."ரொம்ப சந்தோஷ படாத மா! பாட்டெல்லாம் பெரிய ஹிட் தான்.ஆனா,அடுத்த படத்துக்கு ஒப்பந்தம் பண்ணதன் யாரும் ஆள் வரல ".

அவர் சொல்லிக்கொண்டு இருக்கும் போதே ராமநாதன் என்பவர் வீட்டினுள் நுழைகிறார்.சேகரிடம் கை குளிக்கிவிட்டு ,"உங்க பழசி ராஜா பாட்டெல்லாம் சூப்பர் ஹிட் சார்! அடுத்த 'ஆயிசா ' ன்னு ஒரு படம் பண்றோம் .நீங்க தான் மியூசிக் போடணும் .அட்வான்ஸ் கொடுக்க வந்தேன்..'" .என்று ஒரு தொகையை அவரிடம் கொடுக்க வருகிறார்.வீடெங்கும் இறைத்து கிடக்கும் இசைப்பதிவு இயந்திரங்களை ,இசை கருவிகளை அவர் ஆச்சரியமாக பார்க்கிறார்.



எல்லாமே இறக்கு மதி எஃஉஇப்மெந்த்ஸ (equipments) போல இருக்கே சார்.! உங்கள மாத்ரி யாரு இப்பெல்லாம் புதுமை செய்யறாங்க? எல்லாம் பழைய தேஞ்ச போன ரெக்கார்டு களைதான் தேய்க்கரங்க. பழசி ராஜாவுல பாட்டு மட்டும்மல்ல . அந்தப் பாட்டுக்களை நீங்க ஒலிபதிவு பண்ணி இருக்கற துல்லியம் பாருங்க ..யாரும் கிட்ட நெருங்க முடியாது.சவுண்டே ரொம்ப வித்தியாசமா இருக்கு .." என்று பாராட்டிப் பேசும் ராமநாதன் தான் குரலைக் சற்று தாழ்த்தி.."சேகர் சார், பால்டிக்க்ஸ் பேசறேன்னு தப்ப நினைக்க கூடாது."

என்னடா , தமிழ் நாட்டுல இருந்து ஒருத்தன் வந்து மியூசிக் ல என்னென்னமோ புதுமை பண்றானே ன்னு இங்க சில ஜாம்பவான்கள் பொருமிகிட்டு இருக்காங்க. தமிழ் ஆளுங்க னாலே இவங்களுக்கு கொஞ்சம் அலர்ஜி ! எதுக்கும் ஜாக்கரதைய இருந்துக்கோங்க." என்கிறார்.

அதில் சற்றும் கலவரப்படாத சேகர், "வளர வேண்டியவங்க வளருவாங்க ராமநாதன் சார்.யாரும் யாரையும் எதுவும் செய்ய முடியாது.அவங்க அவங்களுக்கு போக வேண்டிய அரிசில அவங்க பேரு எழுதி இருக்கும்! ", என்று சொல்லிக் கை கூப்பி விடை அளிக்கிறார்.

தொடரும் ...

உங்கள் கருத்துக்களை வரவேற்கிறேன்... நன்றி.

ஏ.ஆர்.ரஹ்மான் : ஒரு கனவின் இசை! - பகுதி - 2

ஏ.ஆர்.ரஹ்மான் வாழ்க்கை வரலாறு - 2

இன்னும் ஒரு சில வருடங்களில் எம்.எஸ்.வி, இளையராஜா போன்ற மாபெரும் இசை அமைப்பாளர்களுக்கு கீ - போர்டு பிளேயர்ராகவும், சில சமயங்களில் இசை கோப்பாளராகவும் பணியாற்றப்போகிறான்.அவனுடைய திறமை விக்கு விநாயக்ராம், குன்னக்குடி வைத்தியநாதன், ஜாகிர் ஹுசேன் போன்றவர்களுடன் சேர்த்துவைக்கப்போகிறது. அவர்களுடன் கச்சேரிகளில் பங்கேற்க உலகப் பயணம் செல்வான். அதன் பிறகு, 300-க்கும் மேற்பட்ட விளம்பரப் படங்களுக்கு இசை அமைப்பான். 'பஞ்சதன்' என்கிற பெயரில் சொந்தமாக ஒரு ஹைடக் ரெகார்டிங் ஸ்டுடியோவைக் கட்டுவான்.அங்கே தான் இயக்குநர் மணிரத்னத்தைச் சந்திப்பான். 'ரோஜா' என்கிற படத்துக்கு இசையைமக்கும் வாய்ப்பு அவனுக்குத் தரப்படும். அந்த இசை அமைப்பு இந்தியத் திரை இசையின் ஸ்டைல்லை மாற்றி அமைக்கும். முதல் படத்திலேயே தேசிய விருது பெறுவான். சொந்த வாழ்க்கையில் நடந்த சில புதிரான நிகழ்வுகளின் தொடர்ச்சியாக, அப்போது அவன் பெயரும் மாற்றம் செய்யப்பட்டிருக்கும். திலீப் என்கிற இளைஞன் ஏ.ஆர்.ரஹ்மான் என்கிற இசைக் கனவானாக மாறுவார். 'ரோஜா'வில் ஆரம்பிக்கப் போகும் அந்த மகத்தான இசைக் கனவு ஆஸ்கர் விருதையும் கடந்து செல்லும்.



இத்தனையும் ஓர் அற்புதம் போல் கண் முன்னால் நடந்தன. ரஹ்மானின் அம்மா கரீமா பேகம் துக்கு அந்த வாழ்க்கை அனுபவங்கைளப் பற்றி நினைத்துப் பார்க்கும்போதே, உணர்ச்சிவசப்பட்டு மனம் நெகிழ்கிறது. ''என் மகன் சின்ன வயசுல இருந்தே ரொம்ப அடக்கம். எதுக்கும் உணர்ச்சிவசப்படாது.
அப்பாவோட ரெகார்டிங் தியேட்டருக்குப் போயி வேடிக்கை பார்த்துக்கிட்டு இருக்கும். வீட்டுல ஹார்மோனியத்தை அது (அப்படித்தான் மகனைச் செல்லமாக அழைக்கிறார்). பிரமாதமா வாசிக்கிறத அப்பா எல்லார்கிட்டையும் பெருமையா
சொல்லிட்டிருப்பாரு. ஒரு தடவை அேதாட அப்பா சுதர்ஸனம்
மாஸ்டர்கிட்ட கூட்டிப் ேபாயிருந் தாரு. அப்ப அதுக்கு நாலு வயசு.
''என்னடா... என்னவோ ஹார்மோனியத்துல பிரமாதமா வாசிப்பியமே ... வாசிச்சுக் காமி''ன்னு சுதர்ஸனம் மாஸ்டர் கேட்டிருக்கிறாரு . அது கொஞ்சமும் அலட்டிக்காம, ரொம்ப அற்புதமா வாசிச்சிருக்கு. அவரு மிரண்டுபோயிட்டாரு. நம்ப முடியாம ஹார்மோனியக் கட்டைகள் மேல ஒரு வேட்டி யப் போட்டு மூடி ''எங்கே, இப்ப வாசிச்சுக் காட்டு''ன்னு சொல்லியிருக்காரு. ஹார்மோனி யக் கட்டைகள் ஏதும் தெரியாத போதே , அப்ப வும் அதே மாதிரி வாசிச்சிருக்குது. எல்லாரும் அசந்துபோயிட்டாங்க.



அதோட அப்பா ரொம்ப ஆச்சர்யமா, அடிக்கடி என்கிட்டே 'இவன் பெரிய ஆளா வருவான் பாரு'ன்னு சொல்லிக்கிட்டே இருப்பாரு. அவரு அப்போ சொன்னது இப்பவும் என் மனசுல கேட்டுக் கிட்டே இருக்கு. இந்தப் புள்ளகிட்ட என்னவோ அற்புதமான திறமை இருக்குன்னு புரிஞ்சுக்கிட்டு, உடனே பியானோ கிளாஸ்ல சேர்த்துவிட்டோம். அப்ப ஆரம்பிச்சதுதான் எல்லாம். இப்ப ஆஸ்கர் அவார்டு வர வந்திருச்சு அது!'' அவர் குரலில் பெருமிதமும் பரவசமும் சேர்ந்து ஒலிக்கிறது.

இந்திய திரை உலகம் எத்தனையோ இசை மேதைகளை தந்திருக்கிறது. ஒவ்வொருவரும் ஒவ்வொரு வகை .யாரும் யாருக்கும் குறைவில்லை.ஆனால் ரஹ்மானை என பல காரணங்களுகாக சொல்லலாம் .ஆஸ்கார் விருது அவருடைய பயணத்தில் தங்க நேர்ந்த ஒரு ஸ்டேஷன்.அதையும் தாண்டி அவர் பயணித்து கொண்டே இருக்கிறார். தன் முதல் படமான ரோஜா வில் "ரகே " என்னும் மேற்கத்திய துள்ளல் இசையை தமிழில் அறிமுகப்படுத்தியவர். அடுத்தடுத்து மேற்கத்திய க்லஸ்ஸிகல் இசை , ஹிந்துஸ்தானி,அரபி சுக்பி ,கவளி,ஜாஸ்,கர்நாடிக் ,கசல், ஹிப் ஹோப்,ராக், ஒபேரா ,ப்ளுஸ், ஆப்ரிக்கன் பீட்ஸ் என்று புதுபுது இசை வடிவங்களை அறிமுகம் செய்து கொண்டே இருக்கிறார்.இவர் அளவுக்கு உலக இசை கலைனர்களுடன் இணைத்து பணியாற்றிய இந்திய இசை அமைப்பாளர்கள் யாரும் இல்லை. மைகேல் ஜாக்சன், வனசா மீ , டாமைக் மில்லர்,அகான் என்று இவர் கைகோர்த்தவர்கள் ஏராளம்.



பிரபல ஹாலிவுட் இயக்குநர் ஸ்ைபக் லீ ரஹ்மானின் 'ைசய ... ைசய...' பாடலை தன் படமான 'இன்ைசட் ேமன்'ல் பயன்படுத்திஇருக்கிறார். 'லார்ட் ஆஃப் தி ரிங்க்ஸ் ' ஆங்கிலப் படத்துக்கும், சீ னப் படமான 'வாரியர்ஸ் ஆஃப் ெஹவன் அண்ட் எர்த்' படத்துக்கும் ரஹ்மான் இசையைமத்திருக்கிறார்.

15 வருடத் திரை இசை வாழ்க்கையில் இவர் பெற்றுள்ள தேசிய விருதுகள் மூன்று,பத்மவிருது, 14 ஃபிலிம்ஃேபர் விருதுகள், 6 தமிழக அரசு விருதுகள், ேகால்டன் குேளாப், பாஃப்டா, கிட்டிக்ஸ் விருது... எல்லாவற்றுக்கும் மேல் சிகரம் போலஆஸ்கர்!



கடும் உழைப்பு, புதிய டெக்னாலஜியில், இசைப்பதிவுக் கருவிகளில் ஆர்வம், புதிய புதிய பாடகர்களை அறிமுகப்படுத்தியது போன்றவை ரஹ்மானின் பிரமாண்ட வெற்றிக்கான சில கார ணங்களாகச் சொல்லப்படுகின் றன. இந்தச் சிறப்புகள், எல்லாம் அவருைடய அப்பா ஆர்.கே .சேகரி டமும் அந்தக் காலத்திலேயே இருந்தது. என்பது ஆச்சர்யமான ஒற்றுமை ! ''என் அப்பாவின் மாபெரும் இசை ஞானத்தின் ஒரு சிறிய பகுதிதான்இறைவனின் அருளால் என்னிடம் வந்திருப் பதாக நான் நினைக்கிறேன் . அவரைப் பற்றி நினைத்தாலே என் நெஞ்சம் கண்ணீரால் நனைகிறது'' என்றார் ரஹ்மான் ஒரு முறை .

மலையாளப் பட இசை உலகில் சத்தமில்லாமல் மாபெரும் சாதனைகள் செய்தவர் இசை அமைப்பாளர் ஆர்.கே .சேகர். அவருைடய சரித்திரம் குடத்திலிட்ட விளக்காக இருக்கிறது''என்கிறார் பிரபல மலையாள எழுத்தாளரும், இசை விமர்சகரும், ரஹ்மானின் நண்பருமான ஷாஜி.


நெகிழவிக்கும் அந்தக் கதை ... அடுத்த பதிவில் ...

தொடரும் ...