Enter the Dragon - எண்டர் தி டிராகன் : A BRUCE LEE movie

Enter the Dragon - எண்டர் தி டிராகன் : A BRUCE LEE movie

புரூஸ் லீ- அன்று முதல் இன்று வரை ஆக்சன் பிரியர்களுக்கு பிடித்த ஒரு நடிகர். இன்று வரும் எத்தனையோ ஆக்சன் படங்களின் முன்னோடி. இதில் என்னை மிகவும் கவரத படம் "Enter the Dragon - எண்டர் தி டிராகன்". இந்தப்படம் 1976ஆம் ஆண்டில் இந்தியாவில் இப்படம் திரையிடப்பட்டது.நான் இந்த படத்தை விஜய் டிவி இல் பார்த்தேன்.இப்போது உள்ள எந்த நடிகராலும் இவரை போல ஆக்சன் செய்ய முடியாது.இவர் நுஞ்சக் சுற்றும் ஸ்டைல்லே தனி தான்...

"You offended my family and offended the shaolin temple”

என்று வில்லனை நோக்கி நிலைகுத்திய கூர்பார்வையுடன் கூறிவிட்டு, அவனோடு மோதுவதற்கு தயாராக, தனக்கே உரித்தான சண்டைத் துவக்க பாணியில் புரூஸ் லீ காலை விரித்துவைத்து, தனது கைகளை உயர்த்தி சண்டை செய்யும் போது பார்த்துக்கொண்டே இருக்கலாம் போல தோன்றும்.இன்று எவ்ளவோ அதிநவீன கேமெராக்கள் வத்தலும் இவரின் வேகம் போல வேறு எந்த ஆக்சன் ஹீரோ இல்லை.

கதை:

இது ஒரு சாதாரணக் கதைதான் (ஒரு விதத்தில் பழி வாங்கும் கதையும் கூட) எண்டர் த டிராகன். ஹாங்காங்கிற்கு அருகில் உள்ள ஹான்ஸ் தீவை சொந்தமாக வைத்துக்கொண்டு போதைப்பொருள் தயாரித்து அதனை உலகளாவிய அளவில் கடத்தி விற்றுவந்தவனை ஆதாரப்பூர்வமாக பிடிக்க முயன்ற ஹாங்காங் காவல்துறை பல உளவாளிகளை அனுப்புகிறது. அவர்களில் பலர் பெண்கள். ஓரளவிற்கு உண்மை தெரிகிறது. உண்மையை அறிந்து வெளியே செல்ல முயன்றவர்கள் கொல்லப்படுகின்றனர். இந்த நிலையில் - தற்காப்புக் கலையில் கைதேர்ந்த - அவனை முடிக்க தற்காப்புக் கலையில் சிறந்து விளங்கும் வீரனை தேர்ந்தெடுத்து அனுப்புகிறது ஹாங்காங் காவல் துறை. அவர்தான் புரூஸ் லீ.

ஹான்ஸ் தீவில் ஒவ்வொரு ஆண்டும் நடைபெறும் தற்காப்பு கலைப் போட்டியில் பங்கேற்க புரூஸ் லீ அனுப்பப்படுகிறார். உலக அளவில் சிறந்த விளங்கிய கராத்தே, பாக்சிங் உள்ளிட்ட பல கலைகளில் சிறந்த வீரர்களும் கலந்துகொள்ள வருகின்றனர்.



போட்டியின் முதல் சுற்றிலேயே, தனது தங்கையை கற்பழித்துக் கொன்றவனும், வில்லனின் மெய்க்காப்பாளனுமாகிய கராத்தே வீரனை (பாப் வால்) தோற்கடிக்கிறார் (கண்ணிமைக்கும் நேரத்தில் குத்துகள் விழுகின்றன) புரூஸ் லீ. தோல்வியைத் தாங்கிக்கொள்ள முடியாத அவன் புரூஸ் லீயைக் கொல்ல பாட்டில்களை உடைத்துக்கொண்டு குத்துவதற்குப் பாய, அவனுடைய கழுத்தில் வெட்டு உதை கொடுத்து கொன்றுவிடுகிறார் புரூஸ் லீ. அவனைக் கொன்ற நிலையில், குரூர முகத்துடன் வில்லனை ஒரு பார்வையும் பார்த்துவிட்டுச் செல்வார்.

வில்லனின் போதை சாம்ராஜ்யத்தின் ரகசியங்களை அறிந்துகொள்ள ஒவ்வொரு இரவும் புரூஸ் லீ ரகசிய உளவில் ஈடுபடுவதும், ஒரு நாள் கண்டுபிடிக்கப்பட்டவுடன் அங்கிருந்த வில்லனின் காவலாளிகளைப் பந்தாடுவதும், ஏராளமானவர்களை தன்னைச் சூழ்ந்துவிட்ட நிலையில், தான் மறைத்து வைத்திருந்த நன் சாக்கு ஆயுதத்தை எடுத்து கையிலெடுத்து கண்ணில் பிடிபடாத வேகத்தில் சுழற்றுவதும், பிறகு அவர்களை அடித்து வீழ்த்திவிட்டு வில்லனிடம் சிறைபடுவதும் அபாரமான காட்சிகள்.




இந்தப் போட்டியில் கலந்து கொள்வதற்காக வந்த கராத்தே வீரர் (ஜிம் கெல்லி) அருமையாக சண்டையிட்டு வெற்றி பெற்ற பிறகு வில்லனால் அடித்துக் கொல்லப்படுவதும், அதனைக் கண்டு மற்றொரு போட்டியாளர் (ஜான் சாக்சன்) மிரள்வதும் ரசிகர்களை அச்சுறுத்திய காட்சிகள்.

பிறகுதான் உச்சக் கட்டம். புரூஸ் லீயும், ஹான்ஸ் (இவர் புரூஸ் லீயின் மாமன்தான்) மோதல் காட்சி. துண்டிக்கப்பட்ட கையில் எஃகு ஆயுதங்களைத் தரித்து ஹான்ஸ் சண்டையிட, அதில் சிக்காமல் லாவகமாக விலகி அவரை புரூஸ் லீ அடித்து வீழத்த ஒன்றரை மணி நேரத்தில் படம் முடிந்துவிடுகிறது.



இப்படத்தில் லேலோ ஸ்கீஃபனின் இசை மிக அற்புதமானது. குறிப்பாக, போட்டியாளர்கள் ஹாங்காங் துறைமுகத்தில் படகு பிடித்து தூரத்தில் நிற்கும் பாய்மரக் கப்பலிற்கு செல்லும் காட்சியில் அவருடைய இசையமைப்பு மிக அழகானது.

தமிழ் திரைப்பட ரசிகர்களிடையே இத்திரைப்படம் மிகப்பெரிய தாக்கத்தை ஏற்படுத்தியது. ஆக்ஷன் படங்களை விரும்பிப்பார்க்கும் ரசிகர்களை புரூஸ் லீயின் அதிரடி மிகவும் ஈர்த்தது.

தற்காப்புக் கலைஞன் ஒருவனின் திறமையில் நம்பிக்கை வைத்து எடுக்கப்பட்ட இப்படம் பின்னாளில் ஏராளமான சண்டைப்படங்களை தயாரிக்க வைத்தது. ஒரு கால் நூற்றாண்டுக் காலத்திற்கு ஹாங்காங்கில் பல சண்டைத் திரைப்படங்கள் எடுக்கப்பட்டன.

எல்லாவற்றிற்கும் வித்திட்டது எண்டர் த டிராகன். புரூஸ் லீ!

உங்கள் கருத்துக்களை பகிரவும்... நன்றி.. :)

கல்லறை தீவு - பாகம் 2 :திரை விமர்சனம்.

கல்லறை தீவு - பாகம் 2 :திரை விமர்சனம்.
Pirates of the Caribbean: Dead Man's Chest : movie review

இந்த படம் பார்க்கும் முன் கண்டிப்பாக முதல் பாகம் பார்க்கவும்.அப்போது தான் எல்லா கதாபாத்திரங்கள் தொடர்ச்சி கிடைக்கும்.இந்த படம் போன படத்தின் முடிவில் இறுதி ஆரம்பிகிறது.முதல் பாகத்தில் ஜாக் ஸ்பர்ரோவ் எலிசபெத் தையும் வில் லையும் சேர்த்து வைத்து விட்டு போர்ட் ராயல் லில் இறுதி தப்பி செல்வதோடு முதல் பாகம் முடிகிறது.

இந்த பாகத்தில் அறிமுகமாகும் 2 பேர் ஆளுனர் பக்கெட் மற்றும் டேவிட் ஜோன்ஸ் .

ஆளுனர் பக்கெட் : இவர் போர்ட் ராயல் லை ஆள வந்திருப்பவன் . புத்திசாலி , ஜாக் கின் திசை மானியை பற்றிய ரகசியம் அறிந்தவன் .

டேவிட் ஜோன்ஸ்: கடலில் மட்டுமே வாழும் சபிக்க பட்டவன்.இவனால் 10 ஆண்டுகளுக்கு ஒரு முறை தான் நிலத்திற்கு வர முடியும்.



போர்ட் ராயல் லுக்கு ஆளுநராக வரும் பக்கெட் ,எலிசபெத் மற்றும் வில் டர்னர் ரை கைது செய்கிறான். இதனால் அவர்கள் திருமணம் தடை படுகிறது.ஜாக் தப்பி செல்ல அவர்கள் உதவியதால் கைது செய்ததாக கூறுகிறான்.(முதல் பாகத்தில் )

இங்கு ஜாக் எதையோ தேடி சென்று ஒரு வரைபடத்துடன் வருகிறான்.அந்த வரை படத்தில் உள்ள சாவியை தேடி கண்டு பிடிக்க வேண்டும் என்று சொல்கிறான்.ப்ளக் பியர்ல் லில் அவர்கள் பயணம் செய்கிறார்கள்.அப்போது ஜாக் வில் லின் தந்தையை தான் கப்பலில் பார்க்கிறான்.அவர் டேவிட் ஜோன்ஸ் சிடம் அடிமையை உள்ளார்.ஜாக் கிற்கும் ஜோன்ஸ் சிறகும் ஒரு உடன்படிக்கை இருப்பதால் ஜாக் கும் ஜோன்ஸ் சிடம் அடிமையாய் இருக்க வேண்டும் என்றும் தவறினால் ஜோன்ஸ் சின் கடல் மிருகம் அவனை கொன்று விடும் என்று சொல்லி செல்கிறார்.இதனால் பயம் அடையும் ஜாக் கடலிற்கு வராமல் மறந்து வாழ்கிறான்.அவளுக்கு டால்மா என்ற ஒரு பெண் உதவுகிறாள்.



இங்கு பக்கெட் வில் லிடம் பேரம் பேசுகிறான். ஜாக் கிடம் உள்ள திசை மணியை தன்னிடம் தந்தால் அவனையும் எலிசபெத்தையும் விட்டு விடுவதாய் சொல்கிறான்.இதனால் வில் ஜாக் கை தேடி புறப்படுகிறான். எலிசபெத் தின் தந்தை அவளை சிறையில் இருந்து தப்பிக்க வைக்கிறார்.எலிசபெத் வில் லை தேடி செல்கிறாள்.



ஜாக்கை சந்திக்கும் வில் அவனது திசை மணியை கேட்கிறான்.ஆனால் ஜாக் அவனிடம் டேவிட் ஜோன்ஸ் சிடம் உள்ள ஒரு சாவியை திருடி தருமாறு சொல்கிறான்.ஆனால் வில் லை ஜாக் வேறு திட்டம் போடு ஜோன்ஸ் சிடம் அனுப்புகிறான்.அங்கு வில் தனது தந்தையை சந்திக்கிறான்.அவர் தான் மகனுக்கு உதவுகிறார்.



டேவிட் ஜோன்ஸ் சின் இதயம் ஒரு பெட்டியில் அடைக்கப்பட்டு ஒரு தீவில் புதைக்கப்பட்டு இருக்கிறது.அதை கண்டு பிடித்து அழித்தால் தான் அவனை கொள்ள முடியும்.அந்த பேட்டியின் சாவி எப்போதும் ஜோன்ஸ் சிடம் தான் இருக்கும்.ஜாக் அந்த இதயத்தை வைத்து ஜோன்ஸ் சிடம் பேரம் பேசி தனது அடிமை கணக்கை தீர்க்க நினைக்கிறான்.அந்த சாவியின் வரை படத்தை கொடுத்து வில் டர்னர் ரை அங்கு அனுப்பி அதை திருட சொல்கிறான்.அப்படி அவன் அதை கொண்டுவந்தால் வில் லிற்கு அவன் கேட்ட திசை மானியை தருவதாக சொல்கிறான்.

ஜாக் தனது அடிமை கணக்கை எப்படி தீர்த்தான்.?
டேவிட் ஜோன்ஸ் சின் இதயம் என்ன ஆனது.?
வில் தனது காதலி எலிசபெத் உடன் சேர்ந்தனா?
பக்கட் நினைத்தது அவனுக்கு கிடைத்ததா?
தளபதி நரிங்க்டன் என்ன ஆனார்.?
வில் தனது தந்தையை மீட்டானா ? ஜாக் என்ன ஆனான்?

என்பதை தெரிந்து கொள்ள படம் பார்க்கவும்.கண்டிப்பாக இந்த படமும் சிறந்த பொழுதுபோக்கு படம்.சில லாஜிக் மீறல்களை தரவிது பார்த்தால் சிறந்த படம். இந்த படத்தில் வரும் கடல்மிருகம் அருமையான கிராபிக்ஸ் கலக்கல்.மிக பிரம்மாண்டமாக அமைத்திருப்பார்கள்.இந்த பாகத்திலும் ஜாக் கின் காமெடி அட்டகாசங்கள் மற்றும் சேட்டைகள் அருமையாக இருக்கும்.இந்த படத்தின் முடிவு கொஞ்சம் சோகமாக இருந்தாலும் அருமையாக இருக்கும்.

இந்த படத்தின் முதல் பாகம் விமர்சனம் இங்கே.

இந்த படத்தின் ட்ரைலர் இங்கே.

kung Fu Panda :குங்பூ பண்டா விமர்சனம்

குங்பூ பண்டா : விமர்சனம்

நான் அதிகமாக பிசேர் ரின் கார்ட்டூன் படங்கள் தான் பார்ப்பேன்.ஆனால் சும்மா விளையாட்டாய் பார்க்க ஆரம்பித்து இந்த படம் என்னை மிகவும் கவர்ந்தது.

குங்பூவை ஏதாவது ஒரு மிருகத்துடன் பொருத்தி பார்க்க விரும்பினால், நீங்கள் எந்த மிருகத்தை தெரிவு செய்வீர்கள்? – நிச்சயமாக தின்று தின்று வண்டி வைத்த ஒரு பன்டா கரடியை அல்ல, சரிதானே? இந்த காட்டூன் படத்தில் அதைத்தான் தெரிவு செய்திருக்கிறார்கள் – விளைவு? கதைக்கமுதலே சிரிக்க வைக்கிற ஒரு கதாபாத்திரம். அதற்காக கதைவசனமே இல்லை என்றோ, அது சிரிப்பை வரவளைக்கவில்லை என்பதோஇல்லை. படம் 1 1/2 மணி நேரமும் வயிறு குலுங்க வைக்கிறது.

டிரிம்வொர்க்ஸ் ஸ்டுடியோவிலிருந்து 2008-ல் வெளிவந்த படம்தான் “குங்பூ பாண்டா”. அமைதி பள்ளத்தாக்கு (Valley of Peace) என்ற கிராமத்தில் தனது தந்தையுடன் நுாடுல்ஸ் கடையில் வேலை செய்து கொண்டிருக்கும் கொழுகொழு பாண்டா போ-விற்கு மிகப் பெரிய குங்பூ மாஸ்டர் ஆகவேண்டுமென்ற கனவு. டை லங் என்ற ஒரு மோசமான குங்பூ மாணவனால் வரவிருக்கும் ஆபத்திலிருந்து காப்பதற்காக பிரபல குங்பூ பள்ளி ஆசான்கள் அந்த வருடம் அந்த பள்ளத்தாக்கின் குங்பூ சாம்பியனை தேர்ந்தெடுக்கும் போட்டி நடத்துகின்றார்கள்.

அங்கே நுாடுல்ஸ் விற்க போகின்ற போ-வே சாம்பியன் என தேர்ந்தெடுக்கப்படுகிறார். அவருக்கு குங்பூ கலையை கற்றுக் கொடுக்க அந்த மடாலாய சின்ன மாஸ்டரும் அவரின் சீடர்கள் (பாம்பு, குரங்கு,புலி, மேன்டிஸ்) போன்றவர்கள் படும் பாடு உங்களை கண்டிப்பாக விலாநோக சிரிக்க வைக்கும். போ-வும் டை லங் என்கிற பனிச் சிறுத்தையும் மோதும் கடைசி யுத்தமும் பிரமிக்க தக்க வகையில் படமாக்க பட்டிருக்கும்.

படத்தின் சிறப்பம்சம் உரையாடல் எனலாம். எல்லோருக்கும் பெரிய மாஸ்டரான ஒகுவே ( ஆமை) போ-விடம் ஒரு மரத்தின் கீழ் பேசும் உரையாடல் எனக்கு மிகவும் பிடித்த ஒன்று.

“Yesterday is history,

tomorrow is a mystery,

but today is a gift.

That is why it is called the Present”

இந்த படங்கள் ஏன் தமிழ்நாடு முழுவதும் டப் செய்து திரையிட படவில்லை என தெரியவில்லை. தயவு செய்து குழந்தைகள் மட்டுமே பார்க்கும் படம் என நினைத்து விடாதீர்கள். உங்கள் மனதை மிகவும் லேசாக ஆக்கும் மிகச் சிறந்த படங்களில் இதுவும் ஒன்று.

ரொம்ப எளிமையான கதை, அதை வழக்கமான சைனீஸ் டைப் திரைக்கதை. ஆனால் அதை படமாக்கிய விதம் கலக்கியிருக்காங்க. நகைச்சுவையை அங்க அங்க தூவாம , படம் முழுக்க, கடைசி நொடி வரை சிரிச்சிகிட்டே இருக்க வைக்கும் அளவுக்கு இருக்கு. அசத்தலான பின்னணி இசை, டைமிங் டயலாக், நுணுக்கமான அசைவுகளை துல்லியமாய் காமிக்கும் அனிமேஷன். சொல்லிகிட்டே போலாம், போய் பாருங்க.முக்கியமாக இந்த பண்டா கரடியை பார்த்தாலே நமக்கு சிரிப்பு வரும் .

எல்லாத்தையும் விட இன்னும் ஆச்சர்யப்பட வைத்த விஷயம், இந்த 1:30 மணி நேர படத்துக்கு பின்னால இருந்த மனிதர்கள், எத்தனை பேர், எத்தனை வித விதமான வேலைகள்... டைட்டில் போடுறாங்க போடுறாங்க போட்டுட்டே இருக்காங்க. Hollywood பிரபலங்கள் (Angelina Jolie,jackie chan,Jack Black etc) அனைவருமே இந்த கார்ட்டுன் கதாபாத்திரங்களுக்காக குரல் கொடுத்திருக்கிறார்கள்.

கண்டிப்பாக குழந்தைகள் மற்றும் குடும்பத்துடன் பார்த்து சிரிக்க வேண்டிய படம்.

இந்த வருடத்தில் குங்பூ பண்டா - 2 ரிலீஸ் ஆகிறது.அதன் ட்ரைலர் இங்கே.

Pirates of Caribbean:The Curse of the Black Pearl (கல்லறை தீவு :சாபத்தின் பிடியில் ..)

My All time Favorite Movie...




நான் பார்த்த ஆங்கில படங்களிலேயே என்னை மிகவும் கவர்ந்த ,பிடித்த படம். இந்த வரிசையில் வந்த படங்களை நான் ஒரு 30முறையாவது பார்த்து இருப்பேன். johny deep - இன் நடிப்பு என்னை அவரின் அடிமை ஆக்கியது.


ஜாக் ஸ்பாற்ரா -வும் பார்போசா - வும் நண்பர்கள் மற்றும் கடல் கொளையர் தலைவர்கள். Black Pearl கப்பலை சொந்தம் கொண்டாடுபவர்கள். பல பொக்கிஷங்கள் புதைத்து கிடக்கும் கல்லறை தீவை நோக்கி செல்கிறார்கள். பொக்கிஷத்தில் தனக்கு பாதி வேண்டும் என்று ஜாக் கேட்க அதை மற்ற மாலுமிகளும் பர்போசவும் எதிர்கிறார்கள். இதனால் ஏற்பட்ட வாக்குவாதத்தில் Jack-கை ஒரு ஆளிலாத தீவில் தனியாக விட்டு செல்கிறார்கள்.ஜாக்கிடம் ஒரு துப்பாக்கி மற்றும் ஒரு தோட்டா அவனுக்கு கொடுகிறார்கள்.பிறகு சென்று கல்லறை தீவில் கொள்ளை அடிகிறார்கள்.ஆனால் அங்குள்ள சபிக்க பட்ட தங்கத்தால் பாதிக்கபடுகிறார்கள்.




அப்போது ஜாக் கிற்கு சாதகமாக பேசிய Bootstap Turner லை கடலில் தூக்கி வீசி விடுகிறார்கள். டர்னர் சாகும் முன் தனது தங்கத்தை தன் மகன் வில் டர்னர் -கு அனுப்பி வைக்கிறார். இதனால் பார்போசாவும் அவனது மாலுமிகளும் சாபம் தீராமல் அதை தேடி அழைத்து கொண்டிருகிறார்கள்.



சிறு வயதில் கடலில் அடித்து வரப்பட வில் டர்னர் ஐ பிரிட்டிஷ் படை வீரர்கள் காப்பாற்ற அவன் போர்ட் ராயல் லில் வளர்கிறான்.




அந்த தனி தீவில் இருந்து தப்பித்த Jack தனது ப்ளக் பியர்ல் கப்பலை பார்போசா விடம் இருந்து மீட்க போர்ட் ராயல் வருகிறான்.வில் ட்டனர் போர்ட் ராயல் லில் ஒரு சம்பட்டி செய்யும் வேலை செய்கிறான்.அங்கு ஆட்சி செய்யும் பிரிட்டிஷ் பிரபு வின் மகள் எலிசபெத்.எலிசபெத் தை பிரிட்டிஷ் தளபதி நாரிங்க்டன் னுக்கு திருமணம் செய்ய முடிவு எடுக்கிறார் பிரபு. வில்லின் சபிக்க பட்ட தங்கம் அவளுக்கு கிடைக்க அதை தேடி அலையும் பார்போசா வும் அவனது மாலுமி களும் போர்ட் ராயல் வந்து எலிசபெத் தை கடத்தி செல்கிறார்கள்.


எலிசபெத் மேல் ஆசை கொண்ட வில் டர்னர் அவளை காப்பாற்ற அங்கு கைதியாய் இருக்கும் ஜாக் உதவியை நாடுகிறான். வில் லின் பிறப்பை அறிந்த ஜாக் ஒரு உடன்பாட்டோடு அவனுக்கு உதவி செய்கிறான். இருவரும் பிரிட்டிஷ் கப்பலை திருடி தப்பிகிறார்கள். பின் டோர்டுகா தீவுக்கு சென்று ஜாக் , நண்பன் கிப்ஸ் சுடன் சேர்ந்து சில மாலுமிகளுடன் சேர்ந்து ப்ளக் பியர்ல் ளையும் எலிசபெத்தையும் மீட்க செல்கிறார்கள்.




அவர்கள் ப்ளக் பியர்ல் ளையும் எலிசபெத் தையும் காப்பாற்றினார்களா ? , எலிசபெத் யாரை திருமணம் செய்ய விரும்பினாள் ? , பார்போசா மற்றும் அவனது மாலுமிகளின் சாபம் தீர்ந்ததா ?,ஜாக் பார்போசா வை பழி வாங்கின்னா?என்பதே கதை.


இது எல்லோரும் ரசிக்கும் படியான படம். நிலவொளியில் சபிக்க பட்ட மாலுமிகள் அருமையான கிராபிக்ஸ் கலக்கல். கிளைமாக்ஸ் அதற்கும் மேல். படத்தில் லாஜிக் மீறல்கள் இருத்தலும் அதுவும் ரசிக்கும் படி இருக்கும்.முக்கியமாக ஜாக் கின் காமெடி.கிறுக்குத்தனமாக இருந்து கொண்டு புத்திசாலி தனமாக ஏமாற்றுவது, ப்ளக் பியர்ல் லை மீட்க எதையும் செய்வது , லூசுத்தனமான செய்கை அனைத்தும் ரசிக்கும் படி இருக்கும்.




படத்தில் முக்கியமான 2 பொருட்கள் : ப்ளக் பியர்ல் கப்பல் - கடலில் அதிவேகமாக செல்ல கூடியது.

ஜாக் கின் திசை மானி : இது அதிசயமானது . நாம் மனதில் என்ன நினைகிறோமோ அதை மட்டுமே காட்டும். வடக்கு திசையை காட்டாது.ஆனால் இது பல பேருக்கு தெரியாது.


கண்டிப்பாக பார்க்க வேண்டிய ஒரு அருமையான entertainer .

பைண்டிங் நீமோ : விமர்சனம் ( Finding nemo)

Finding Nemo - உலக புகழ் பெற்ற Animation படம். Oscar award மற்றும் 34 விருதுகள் ,35 nomination வாங்கிய படம்.Pixar - இன் படைப்பு .

இந்த படத்தின் கதை என்னவென்றால் நீமோ (A clown fish)முட்டையாக இருக்கும் பொழுதே அவனுடைய அம்மாவையும் அவனுடைய பிற முட்டை சகோதரர் சகோதரிகளையும் ஒரு சுறாமீன் கொன்று விடுகிறது.

"உடனே நீமோ வளர்ந்து அந்த சுறா மீனை பழி வாங்குகிறான். ஹலோ இப்படி எல்லாம் நினைச்சீங்கன்னா நிறைய விஜயகாந்த் படம் பார்க்கறீங்கன்னு அர்த்தம். அதை எல்லாம் மறந்துடுங்க. :) lol இது தமிழ் படமோ விஜயகாந்த் படமோ அல்ல "

இதனால் தன்னுடைய ஒரே உறவான நீமோவை அவனுடைய தந்தை ரொம்ப பாதுகாப்பு உணர்வுடன் வளர்க்கிறார். நீமோவின் ஒரு செதில் வேறு சிறியதாக போய் விடுவதால் அது வேறு நீமோவின் தந்தைக்கு கவலையாகி விடுகிறது.



பாதுகாப்பு உணர்வு அதிகமாகி நீமோவை வெளியிலேயே விடாமல் அவனை பிறரின் கேலிக்கும் கிண்டலுக்கும் ஆளாக்குகிறார்.

நீமோவின் பிடிவாதத்தால் அவனைப் பள்ளியில் சேர்க்கிறார் அவன் தந்தை. பள்ளியில் கேலிக்கு ஆளாகும் நீமோ தன்னை நிரூபிப்பதற்காக சென்று ஒருவரின் வலையில் சிக்கி கொள்கிறான். அவர் அந்த மீனை தன் தொட்டியில் வளர்ப்பதற்காக எடுத்துச் சென்று விடுகிறார்.

அங்கு நீமோவின் பள்ளி செயல்களை ஒளிந்து இருந்து பார்த்துக் கொண்டிருக்கும் நீமோவின் தந்தை அந்த படகை பின்பற்றி செல்லத் தொடங்குகிறார் ஆனால் படகு வேகமாக சென்று விடுகிறது.

அப்பொழுது அந்தப் பக்கம் வந்த டோரியை ஒரு படகைக் கண்டாயா என்று நீமோவின் தந்தை கேட்க ஆம் இந்தப் பக்கம் சென்றது என்னைப் பின் தொடர் என்று சொல்லி வேகமாக செல்லத் தொடங்கும் டோரி சிறிது தூரம் சென்று மெதுவாக செல்லத் தொடங்குகிறது. நீமோவின் தந்தை ஏன் மெதுவாக செல்கிறாய் என்று கேட்க நீ யார்? என்று கேட்பதில் இருந்து காமெடித் திருவிழா ஆரம்பிக்கிறது.



அப்பொழுது தான் தெரிகிறது டோரிக்கு short term memory loss என்று. கஜினியில் சூர்யாவுக்கு இருந்ததே அதே வியாதிதான். ஆனால் நம்ம சூர்யா மாதிரி சிரியஸான ஆசாமி இல்லை ஜாலியான optimistic மீன்.

அப்பொழுது டோரிக்கு அந்த படகு விட்டுச் சென்ற அடையாளப் பலகையில் இருந்த முகவரியைப் படித்து நீமோவின் தந்தைக்கு சொல்கிறது. அதை விட ஆச்சரியம் அளிக்கும் வகையில் அந்த முகவரி டோரிக்கு ரொம்ப நேரம் ஞாபகம் இருக்கிறது.

அதனால் டோரி நீமோவின் தந்தை அருகில் இருந்தால் தன்னுடைய நிலைக்கு உதவியாக இருக்கும் என்று எண்ணி நீமோவின் தந்தைக்கு உதவி செய்வதற்காக அவருடனே அந்த முகவரி குறிப்பிட்ட சிட்னிக்கு செல்ல ஆரம்பிக்கிறது.

முதலில் டோரியின் கூட வர விரும்பாத நீமோவின் தந்தை வேறு வழி இல்லாமல் சம்மதிக்கிறார். அங்கிருந்து நீமோவைக் கண்டுபிடிக்க செய்யும் பயணம் தான் கதை.



நடுவில் சைவமாக விரும்பும் சுறாக்கள், super cool ஆமைகள் என்று அவர்களின் பயணம் 11/2 மணி நேரம் ஒரு மாஜிக் பயணத்தில் நம்மை அழைத்துச் செல்லும்.


கள்ளம் கபடமில்லாததால் டோரி அதன் குழந்தைத்தனம், எல்லாமே நல்லது என்று எடுத்துக் கொள்ளும் அதனுடைய பாத்திரம், மனிதன் குழந்தைப் பருவத்தை ஏன் விரும்புகிறான் ஏன் குழந்தைத்தனம் என்பது முக்கியம் என்பதை எல்லாம் நமக்கு சொல்லும் விதமாக அமைந்திருக்கிறது.

உதாரணமாக ஒரு திமிங்கலத்திடம் தொடர்பு கொள்ள முடியும் என்று நம்பும் டோரி அதனுடன் திமிங்கல பாஷையில் பேசுவதாக சொல்லி சிட்னி செல்வது எப்படி என்று கேட்கிறது.

அந்தத் திமிங்கலம் டோரியையும், நீமோவின் தந்தையையும் விழுங்கி விடுகிறது. நீமோவின் தந்தை டோரியை கடிந்து கொண்டு உனக்கு திமிங்கல பாஷை எல்லாம் தெரியாது என்று திட்டிக் கொண்டிருக்கும் சமயம் அந்தத் திமிங்கலம் அவர்களை சிட்னியில் இறக்கி விடுகிறது.

இது போல டோரியின் பல காட்சிகள் கள்ளம் கபடமற்ற வாழ்க்கையைப் பற்றி ஏங்க வைத்து விடுகிறது.



கடைசியாக இந்தப் படத்தை எடுத்த பிக்ஸர் நிறுவனம் பற்றி சொல்லவில்லை என்றால் இந்தப் பதிவு நிறைவு பெறாது.

Toy story, Bugs life, Monstors Inc, Incredibles, Cars இதுதான் இந்த நிறுவனம் தயாரித்துள்ள படங்கள் இவைகளைப் பார்த்திருந்தால் நான் சொல்லி தெரிய வேண்டிய அவசியமே இல்லை.

இதுவரை ஒரு படம் கூட பிளாப் ஆகாமல் சூப்பர் ஹிட் படங்களை மட்டுமே கொடுத்துக் கொண்டிருக்கும் நிறுவனம். உங்களுக்கு கார்ட்டூன் பிடிக்கும் என்றால் மேலே உள்ள எல்லாப் படங்களையும் கட்டாயாம் பார்த்தே ஆக வேண்டும்.

டிஸ்னி நிறுவனம் பிக்ஸாரின் ஷேர்களை ரெக்கார்ட் விலையில் வாங்கி உள்ளது. இது பிக்ஸாரை எந்த விதத்திலும் பாதிக்காமல் அதே தரத்துடன் படங்கள் வர வேண்டும் என்பது என் போன்ற சினிமா ரசிகனின் ஆசை.குடும்பத்துடன் இணைத்து குழந்தையாய் ரசிக எற்ற படம்.

இது ஒரு மறுபதிவு நன்றி : http://rasithathu.blogspot.com

கார்ஸ் : விமர்சனம் (Cars)

கார்ஸ் :Pixar studio -வின் மற்றும் ஒரு அனிமேஷன் படம். முழுக்க முழுக்க அமெரிக்காவில் நிறைந்திருக்கும் கார்கள் பற்றிய கார்டூன் படம்.கார்கள் பேசுகின்றன, பாடுகின்றன, ஆடுகின்றன, காதல் செய்கின்றன, கோபப்படுகின்றன, குதிக்கின்றன, அழுகின்றன. ஏன், ரோடு போடுகின்றன, கண்ணாமூச்சி விளையாடுகின்றன… இன்னும் எத்தனையோ..

வண்டுகள், பூச்சிகள் கூடச் சின்னச் சின்ன கார்கள் தான்..

அமெரிக்காவின் பெரும்பாலான மக்களால் பயன்படுத்தப்படும் வாகனமான கார்கள், அமெரிக்க மக்களின் வாழ்க்கையோடு ஒன்றிப் போன இந்த ஊர் தேசிய நெடுஞ்சாலைகளைப் பற்றித் தான் கதையே..



பிஸ்டன் கப் என்னும் பெருமைக்குரிய கோப்பையைப் பெறுவதை வாழ்க்கை லட்சியமாக வைத்திருக்கும் ரேஸ்கார் தான் கதை நாயகன் Mc Queen. இந்தக் கோப்பைக்கான போட்டிகள் நாட்டின் கீழ்க்கோடியில் நடக்கிறது. அதிசயமாக இந்த முறை போட்டியில் மூன்று கார்கள் முன்னணியில் வந்துவிட யாருக்குக் கோப்பை என்னும் வழக்கைத் தீர்க்க ஐந்து நாட்களுக்குள் மீண்டும் ஒரு போட்டி நாட்டின் மேல்கோடியில் இருக்கும் எல்லே(Elle) என்னும் ஊரில் வைப்பதாக முடிவு.

இந்த ஐந்து நாட்களுக்குள் தன்னைப் பற்றி மட்டுமே சிந்திக்கும், தானே தன் வெற்றிகளுக்கெல்லாம் காரணம் என்று இறுமாந்திருக்கும் நாயக “கார”ன் எப்படி ஒரு சின்னஞ்சிறிய ஊரின் மக்களைப்(கார்களைப்) பார்த்து, புகழ் பணம் அதிகமில்லாத அவர்களின் அன்பைப் புரிந்து திருந்துகிறான் என்பதே கதை.



தமிழில் எத்தனையோ படங்கள் இது மாதிரி பார்த்திருக்கிறோம் என்றாலும் பழகிய கதையைப் புதிய பாத்திரங்கள், புதிய மொழியில் ஏற்றிப் பார்ப்பது இன்னோரு புது அனுபவம்.

ரேஸ் காரின் ஹாலிவுட் ஆக்டிங் காராக ஆவது போன்ற கற்பனைக் கோட்டைகள்; வயலில் தூங்கும் டிராக்டர்களை இந்தக் கார்கள் போய் குறும்புத்தனமாகக் குரலெழுப்பி, எழுப்பிவிடுவது; அந்த டிராக்டர்களுக்குப் பாதுகாவலனான ரோட்ரோலரைக் கண்டு பயந்து ஓடி வருவது; நெடுஞ்சாலையில் இருக்கும் மோட்டல்களைப் போன்ற கார்களுக்கான தங்குமிடங்கள்; முக்கியமாக, கதை நாயகியாக(Sally) வரும் கார் ஒரு நீர்வீழ்ச்சியின் அருகே மெல்ல மிதந்தபடி திரும்பும் போது, ஒரு காரின் முகத்தில் அந்தக் கண நேரக் காதலைக் காட்டியிருந்த விதம்; அதற்கு நம் நாயகன் அசட்டுச் சிரிப்பு ஒன்று சிரித்ததையும் அழகாகக் காட்டியிருந்தது.. என்று வெறும் கார்களை வைத்து விளையாடி இருக்கிறார்கள்



படம் பார்த்துவிட்டு வந்தால் பார்க்கும் ஒவ்வொரு காருக்கும் “ஏன் கண், வாய் இல்லை?” என்று யோசிக்கத் தோன்றும். கார்கள், ட்ரக்குகள் எதுவுமே பேசாமல் இருப்பது ரொம்ப அசாதாரணமானது என்னும் உணர்வு நமக்கும் வரும்.

இது ஒரு மறுபதிவு நன்றி :http://pookri.com

SAW movie 1 to 6 part - 4 விமர்சனம்

Saw VI கிட்டத்தட்ட இங்கிருந்து ஆரம்பிக்கிறது. இதில் வரும் சில காட்சிகள்.. முதல் பதிவில் உள்ளது. மறந்திருப்பவர்கள் திரும்ப படித்துக் கொள்ளவும். அதற்கு முன் நடந்த இரண்டு முக்கிய நிகழ்ச்சிகள் என்றால்...


01. ஜிக்ஸாவின் உடல் பிரேத பரிசோதனையின் போது, அவர் வயிற்றில் இருந்து கிடைக்கும் ஒரு டேப். அந்த டேப், மார்க் ஹாஃப்மேனுக்கானது. அமேண்டா உட்பட அத்தனை பேரையும், டெஸ்டிற்கு உட்படுத்திய ஜான், மார்க்கையும்... விடப் போவதில்லை என்று டேப் சொல்ல (Saw IV-ல் இந்த காட்சி வரும்),

02. ஜிக்ஸா இறந்த பின் அவரின் வக்கீல் மூலமாக, அவர் மனைவி ஜில் டக்-கிற்கு கிடைக்கும் ஒரு பெட்டி. அந்த பெட்டிக்குள், மொத்தம் ஆறு கவர்கள். அதில் எப்பொழுதும் போல, கடத்த வேண்டிய ஆட்களின் விவரங்கள்.

இப்பொழுது ஜில் டக்-கும்... இந்த கடத்தல் வேலைகளுக்கு உடந்தை என தெரிய வரும்போது, மார்க் ஹாஃப்மேன்.. ஜில்-லிடம், ‘இந்த ஜிக்ஸா விளையாட்டில் தானே முழு கண்ட்ரோலையும் எடுத்துக் கொள்ளப் போவதாகவும், ஜிக்ஸாவின் பெட்டியில் கிடைத்த அந்த கவர்களை அவரிடன் கொடுத்து விடுமாறும்’.. சொல்ல... ஜில் அதிலிருந்து ஐந்து கவர்களை மட்டும் கொடுக்கிறார். அந்த ஐந்து கவர்களிலும் உள்ள ஆட்களை மார்க் கடத்துகிறார்.

இதுநாள் வரை, சிசிலை தவிர வேறு யாரையும், தன் பர்சனல் காரணங்களுக்காக கடத்தாத ஜிக்ஸா, தன்னுடைய இன்ஸூரன்ஸ் கம்பெனியின் CEO வில்லியம்-மையும், அவருக்குத் துணை போகும் அவரின் ஊழியர்களையும் டெஸ்ட் விக்டிமாக்குகிறார்.

இத்தனை நாட்களாக, யாருக்கு யார் ஆப்ரேஷன் செய்ய வேண்டும், இன்ஸூரன்ஸை அப்ரூவ்/ரிஜக்ட் செய்வதால்... யார் உயிரோடு இருக்கலாம்/வேண்டாம் என்பதை தீர்மானித்துக் கொண்டிருந்த வில்லியம், இப்பொழுது இந்த விளையாட்டில்.., தன் ஊழியர்களில்.. யார் உயிரோடு இருக்கலாம்/வேண்டாம் என்று தீர்மானிக்க வேண்டும்.

ஒவ்வொரு டெஸ்டாக நடந்து கொண்டிருக்க, 1-2 உயிர் பிழைக்கிறார்கள். ஆனால் கடைசி டெஸ்ட், இவருக்கானது. முதல் பதிவில்...

“இன்ஸூரன்ஸ் கம்பெனியின் CEO, வில்லியம், தாங்கள் சொல்லும் டாக்டர்தான் இவரின் ஆப்ரேஷனை செய்ய முடியுமே தவிர... இவரால் எந்த டாக்டரையும் தேர்ந்தெடுக்க முடியாது என்று சொல்லி விடுகிறார். கூடவே.. இன்னும் ஒருவரது இன்ஸூரன்ஸ க்ளெய்மையும் நிராகரித்து விடுகிறார். “

என வரும் பாராவின் கடைசி வரிகளில் இன்ஸூரன்ஸ் நிராகரிக்கப் பட்டவர் ஒரு வக்கீல். அதனால் மருத்துவச் சிகிச்சை மறுக்கப்பட்டு உயிரழந்த அவருடைய மனைவியும், மகனும் ஒரு ரூமிலும், வில்லியமின் தங்கை இன்னொரு ரூமிலும் அடைக்கப் பட்டுள்ளனர்.

இறுதி டெஸ்டில்... வக்கீலின் மனைவி-மகனுக்கு.... வில்லியம் உயிரோ இருப்பதா/வேண்டாமா எனத் தீர்மானிக்கும் உரிமை அளிக்கப் படுகிறது. வக்கீலின் மகன்... வில்லியத்தின் சாவை தீர்மானிக்க.........

இதே நேரத்தில்..., ஏஜெண்ட் ஸ்ட்ராமின் பழைய பார்ட்னர், படுகாயமடைந்த ஏஜெண்ட் பெரஸ்..., இன்னும் உயிரோடு இருப்பது, மார்க்-கிற்கு தெரிய வருகிறது. ஸ்ட்ராமின் கைரேகை அத்தனை இடங்களிலும் இருப்பதால்... எல்லோரும் அவரை சந்தேகித்திருக்க...,

... இந்த ரேகையில் சில பிரச்சனைகள் இருப்பதாகவும், புதிதாக கிடைக்கும்.. ஜிக்ஸா கேசட்களில்.. கேட்கும் குரல்கள்.. பழைய ஜிக்ஸாவின் குரலோடு ஒத்துப் போகவில்லை எனவும்.. பெரஸ் புதிதாக குட்டையை குழப்புகிறார்.

ஒரு வழியாக.... அந்த கேசட் குரலை, தொழில்நுட்பங்களை உபயோகித்து..., அந்த குரலுக்குச் சொந்தக் காரர்.. மார்க் என.. இவர்கள் கண்டுபிடிக்கும் போது..., அவர்கள் எல்லோரயும்.. மார்க் மேலே அனுப்புகிறார்.

இதை முடித்துவிட்டு...CEO வில்லியம்-மின் விளையாட்டு நடக்கும் இடத்திற்கு வரும்போது... ‘தான் அமேண்டாவிற்கு எழுதிய மிரட்டல் கடிதம் அங்கேயிருப்பதை பார்க்கும் போது’, ஜில் டக்-கால்.. தாக்கப் படுகிறார். ஜிக்ஸாவின்.. ஆறாவது கவரில் இருந்தது மார்க் ஹாஃப்மேன்.

மார்க் ஹாஃப்மேனுக்கு, நாற்ப்பத்தைந்து செகண்டில் அவரது தாடையை கிழிப்பது போன்ற டூல் செட் செய்யப் பட..., ஜில்... அங்கிருந்து வெளியேறுகிறார். ஆனால்.. 45 செகண்டிற்குள் அந்த டெஸ்ட் முடியும் முன்பே, பாதி வாய் கிழிந்த நிலையில்... மார்க் ஹாஃப்மேன் தப்பிக்கிறார்.

------ The End -----
only upto Saw 6.so lets wait to see SAW 7.. :)

Thanks to hollywood bala

SAW movie 1 to 6 part - 3 விமர்சனம்

மார்க் ஹாஃப்மேன் & டேனியல் ரிக் (Rigg)-கின், [பெண்] பார்ட்னர் ஆலிஸன் கெல்லி-யை, மார்க் ஹாஃப்மேனும், அமேண்டாவும் கடத்தி, ஒரு ஆஸிட் குடுவைக்குள் சாவியை போட்டு அதை எடுத்து தன் பூட்டைத் திறந்தால் தப்பிப்பது, இல்லையெனில் உடம்பின் சதைகள் பிய்ந்து போவது போல ஒரு ட்ராப்பை உருவாக்கியிருப்பார்கள். பூட்டைத் திறந்தாலும், அதிலிருந்து தப்ப முடியாதவாறு, அமேண்டா அதை உருவாக்கியிருப்பாள். ஆலிஸன் பூட்டைத் திறந்தும், அவளின் உடல் பிய்த்தெறியப் படுகிறது.



ஆஃபீஸர் ரிக் (Rigg), எதிலும் கொஞ்சம் அவசரக் குடுக்கை. ஜிக்ஸாவின் விளையாட்டுக்கள் எங்கிருந்து எப்படித் தாக்கும் என்று தெரியாவிட்டாலும்... சில சமயம் எந்த பாதுகாப்பும் இல்லாமல்... சில கதவுகளை திறந்து கொண்டு உள்ளே போய்விடுவார். தன்னால் முடிந்த வரைக்கும்... அத்தனை உயிர்களையும் காப்பாற்ற வேண்டும் என்று நினைப்பவர்.

முதல் பாகத்தில் இறந்த ராப்பிச்சை, ச்சைனீஸ், ஆறு மாதங்களாக காணாமல் போன எரிக் மேத்திவ்ஸ், இப்பொழுது ஆலிஸன் என ஒவ்வொருவராக.. அவரைச் சுற்றியிருப்பவர்கள் இறக்க.., யாரையும் காப்பாற்ற முடியாத வருத்தத்தில் இருக்கும் போது, அவருக்கான டெஸ்ட் ஆரம்பிக்கிறது.

உருகிக் கொண்டிருக்கும் ஒரு பெரிய ஐஸ் பாரில், இத்தனை நாட்களாக காணாமல் போன எரிக் மேத்தீவ்ஸ் ஒரு புறமும், மார்க் ஹாஃப்மேன் இன்னொரு புறமும் கட்டி வைக்கப் பட்டுள்ளனர். Saw II -ல் நடக்கும் கேமில் அமேண்டா பங்கெடுப்பது போல, இந்த டெஸ்டில் மார்க் ஹாஃப்மேன்.

இந்த டெஸ்டின் பகடைக் காய்கள்..... 01. ஒரு பிம்ப் 02. பெண்களை கட்டி வைத்து போர்னோ எடுக்கும் ஒருவன் 03. தன் மனைவி, குழந்தையை துன்புறுத்தும் ஒருவன் (கீழிருக்கும் படத்தில்) 04. அதை தட்டிக் கேட்காத மனைவி 04. இவர்களுக்காகவும், ஜிக்ஸாவின் மனைவி ஜில் டக்-கிறாகவும் வாதாடும் ஒரு வக்கீல் ஆர்ட் பேங்க் (இவருடைய வாய்தான் தைக்கப் பட்டிருக்கும். இன்னொரு கண்ணிமை தைக்கப் பட்ட ஒருவனோடு சண்டையிட்டு அவனை கொல்வார்).

இந்த வக்கீல் மட்டும், எரிக் மேத்திவ்ஸ் & மார்க் கட்டிப் போடப் பட்டிருக்கும் இடத்திற்கு வருகிறார். அவரின் டெஸ்ட், 90 நிமிடம் கழிந்தால் மட்டும்...., மார்க்கையும், எரிக்கையும் விடுதலை செய்யலாம். இல்லையெனில் அவரின் பின் கழுத்து ஓட்டை போடப் படும். 90 நிமிடத்திற்குள் கதவு திறக்கப் பட்டால், எரிக்கின் தலை சுக்கு நூறாகும்.

ரிக்கிற்கு மொத்தம் 90 நிமிடம் கொடுக்கப் படுகிறது. அதற்குள்.. எரிக் மேத்திவ்ஸை காப்பாற்ற வேண்டும். நடுவில் முடிந்தால் இவர்களை காப்பாற்றப் பார் என்பது மாதிரியான ஒரு கட்டளை.

ஆனால் டெஸ்டின் முக்கிய நோக்கம்... இவர்களை காப்பாற்றுவது அல்ல. வேடிக்கை பார்ப்பதும் அல்ல. இவர்கள் அனைவரும்... தங்களைத் தாங்களே துன்புறுத்திக் கொள்ள வேண்டும். அவர்களின் முடிவு அவர்கள் கையில். ஆனால் ரிக்.. எல்லோரையும் காப்பாற்ற முயன்றும் முடியாமல் (அந்த போர்னோ பார்ட்டியை தவிர்த்து) வேடிக்கை மட்டுமே பார்த்துக் கொண்டிருக்கும் சூழ்நிலை.

இதே நேரம்... இன்னும் இரண்டு FBI அதிகாரிகள் கேஸினுள் வருகிறார்கள். ஸ்டார்ம் & பெரஸ். ஜிக்ஸாவிற்கு இவர்கள் மீதும் குறி. ஒரு கட்டத்தில் பெரஸ் படுகாயமடைய, ஸ்டார்ம் மட்டும்... ரிக்கை பின் தொடர்ந்து கொண்டேயிருக்கிறார்.

இப்பொழுது இருவரும் (ரிக் & ஸ்ட்ராம்) ஒரே கட்டிடத்திற்குள்!! ஸ்ட்ராம் வேறு எதுவோ சத்தம் கேட்டு இன்னொரு அறை பக்கமாக செல்ல...., அந்த சத்தம் போட்டது.... போனப் பதிவில், தன் மகனின் மரணத்துக்காக பழி வாங்கத் துடித்த ஜெஃப்.

அந்த நேரத்தில் ஜெஃப், அமேண்டாவையும், ஜானையும் கொன்றிருக்க, ஜானின் இதயத் துடிப்பு நின்றதால் டாக்டர் லின்னும் மரணமடைய, சரியா உள்ளே வரும் ஸ்ட்ராமை, ஜெஃப் சுட முயற்ச்சிக்கும் போது, ஸ்ட்ராம் ஜெஃபை கொல்கிறார்.

கட்டிடத்தின் இன்னொரு பகுதியில்... எந்த யோசனையும் இன்றி... கதவை உடைத்துக் கொண்டு உள்ளே வரப் பார்க்கும் ரிக்-கை எரிக் மேத்திவ்ஸ் சுட (90 நிமிடத்திற்குள் கதவு திறந்தால், இவர் தலை காலி), அப்படியும் உள்ளே வரும் ரிக், வக்கீலை சுட....,

எரிக்கின் தலை காலி + வக்கீலும் மீண்டும் ரிக்-கால் சுடப் படுகிறார். அதற்குப் பின்தான், டெஸ்டின் உண்மையான நோக்கம் புரிகிறது (இவரின் டெஸ்ட் சும்மாயிருப்பது. விளையாடுவது அல்ல). மார்க் ஹாஃப்மேன் மட்டும்... ரிக்-கை அங்கேயே விட்டுவிட்டு....

கட்டிடத்தின் இன்னொரு பகுதிக்குப் போய்..., FBI ஏஜெண்ட் ஸ்ட்ராம் இருக்கும் கதவை தாழிட்டுவிட்டு சென்று விடுகிறார். (இத்தோடு Saw IV ஓவர்). அங்கிருந்து ஏஜெண்ட் ஸ்ட்ராம்மின் கேம் ஆரம்பிக்கிறது.

அந்த அறையில் உள்ள ஒரு ரகசிய கதவின் மூலமாக இன்னொரு பகுதிக்குச் செல்லும் போது, மார்க் ஹாஃப்மேனால் (?) தாக்கப்பட்டு, தண்ணீர் நிரம்பும் ஒரு கண்ணாடிக் பெட்டிக்குள் மாட்ட வைக்கப் படுகிறார்.

ஆனாலும்.. தன் தொண்டையையில் ஓட்டை போட்டு தப்பிக்க, மார்க் ஹாஃப்மேனுக்கு இப்பொழுது, இவரால்/இதனால் பிரச்சனை!! ஆனாலும்... ஜிக்ஸா இறப்பதற்கு முன், தன்னிடம் கடைசியாக கொடுத்த ஒரு லிஸ்டில் உள்ள சிலரை கடத்துகிறார்.

அதிலுள்ள எல்லோரும்... ஒரு கட்டிடம் எரிக்கப் பட்டு, அதனால்.. எட்டு பேர் பலியான ஒரு சம்பவத்தில் தொடர்புடையவர்கள். பணத்திற்காக எதை வேண்டுமானாலும் செய்யத் தயாராக இருப்பவர்கள்.

இவர்களுக்கான டெஸ்டின் முக்கிய குறிக்கோள், இவர்கள் அனைவரும் ஒன்றாக சேர்ந்து.. அத்தனை ட்ராப்பையும் உடைக்க வேண்டும். ஆனால்.. ஒவ்வொரு ட்ராப்பிலும், ஒவ்வொருவராக கொல்லப் பட, கடைசியா இரண்டு பேர் மட்டும் உயிர் பிழைக்கின்றனர் (இதை இன்னும் சொல்லலை. ஒரு யூகம்).

இந்த டெஸ்ட் நடக்கும் போது....., மார்க் ஹாஃப்மேன் மீது சந்தேகம் கொள்ளும் ஏஜண்ட் ஸ்ட்ராம்... மார்க்கின் பழைய ரெக்கார்டுகளை சோதிக்கும் போது, மார்க்கின் சகோதரி மரணம், அதற்கான பழிவாங்கல் கொலை (முதல் பதிவு) எல்லாம் தெரிய வருகிறது.

ஆனால் இதே சமயம்.. அவருக்கே தெரியாமல்... அவர்தான் குற்றவாளி என்பது போல, ஸ்ட்ராமின் உயர் அதிகாரி நம்ப வைக்கப் படுகிறார். அதற்கு போலி சாட்சியாக, ஸ்ட்ராமின் செல்ஃபோன் பயன்படுகிறது.

மார்க்கைத் தேடி ஸ்ட்ராம் அந்த கட்டிடத்திற்கு வரும்போது... ஸ்ட்ராம் கொல்லப் பட, மார்க் வெளியே வருகிறார். ஆனால் ஜிக்ஸா அவரையும் விட்டு வைப்பதாக இல்லை.

(Contiue 3)

thanks to HOllywood bala

SAW movie 1 to 6 part - 2 விமர்சனம்

டெஸ்டில் இருந்து தப்பித்தால்.. அவர்களை உயிருடன் விடுவது ஜானின் கொள்கை என்றால், சிஷ்யை அமேண்டாவிற்கோ... தப்பிப்பவர்களையும் கொலை செய்துவிடுவது வழக்கம். ஏற்கனவே, டெஸ்டில் தப்பித்த போட்டோக்ராஃபரை கருணைக் கொலை செய்திருக்கிறாள். இப்பொழுது அடுத்தடுத்த டெஸ்ட்கள் அரங்கேற ஆரம்பிக்கின்றன.

ஸிக்-ஸா கேசில் புதிதாக ஒரு டிடக்டிவ் உள்ளே வருகிறார். பெயர் எரிக் மேத்யூவ்ஸ். டிடக்டிவ் எரிக் மேத்யுவ்ஸ் தன் மகன் டேனியலை, அவ்வப்போது அவன் செய்யும் தவறுகளுக்கு.. எந்த பிரச்சனையும் வராமல் பாதுகாக்கிறார். ஆனால்.. மற்ற சிலருக்கு அவரே தடயங்களை ஏற்படுத்தி, அவர்களுக்கு தண்டனை வாங்கித் தருகிறார் (எல்லோரும் போதை பழக்கத்துக்கு ஆளானவர்கள் அல்லது போதைப் பொருளை விற்பவர்கள்).

இப்படி எரிக் மேத்யுவ்ஸால் பாதிக்கப் பட்ட சிலர், எரிக்கின் மகன் டேனியலோடு கடத்தப் படுகிறார்கள். கடத்துவது போஸீஸ்காரர் மார்க்கும், அமெண்டாவும். ஒரு கட்டிடத்திற்குள், கடத்தப் பட்டவர்கள் அடைக்கப் படுகிறார்கள். இதில் அமேண்டாவும் யாருக்கும் தெரியாமல் பங்கெடுக்கிறாள் (டேனியலை காப்பாற்றுவதற்க்காக?). டேனியலுக்கு தான் யாரென வெளியே சொன்னால், அவர்களால் நிச்சயம் அவனுக்கு ஆபத்து.

அந்த கட்டிடம் முழுவதும்.. மெலிதாக விஷவாயு கசிந்து கொண்டிருக்க, அதிலிருந்து தப்பிக்க வேண்டுபவர்கள், ஒவ்வொரு டெஸ்டிலும் பாஸானால்... முறிவு மருந்து கிடைக்கும். ஆனால்... எந்த திட்டமும் இல்லாமல் ஒவ்வொருவராக இறக்க ஆரம்பிக்கின்றனர். நடுவில் இவர்களுக்குள்ளேயே ஒற்றுமையில்லாமல் போக, அவர்களே அடித்துக் கொண்டு சாக ஆரம்பிக்க....... கடைசியில் எஞ்சியிருப்பது அமேண்டாவும், டேனியலும் மட்டும்.

இந்த அத்தனை காட்சிகளும் வீடியோவாக எடுக்கப் பட்டு...... லைவ் ஃபீட் போல ஒரு கட்டிடத்திற்குள் ஒளிபரப்பப் படுகிறது. அதே கட்டிடத்தில்... ஜான் மிக மோசமான உடல்நிலையுடன்... ஆனால் எந்த கவலையும் இல்லாமல்... போஸீஸ் படையை எதிர்கொள்ள..., உள்ளே வருவது டிடக்டிவ் எரிக் மேத்யூவ்ஸும், டிடெக்டிவ் ரிக்-கும் (இந்தப் பெயரை நினைவு வைத்துக் கொள்ளவும். Saw IV இந்தப் பெயர் வரும்) .

வீடியோவில் தன் மகனையும், தன்னால் பாதிக்கப் பட்டவர்களையும் பார்க்கும் டிடக்டிவ் எரிக், டேனியலை காப்பாற்ற...., மற்ற போஸீஸ்களை ஏமாற்றிவிட்டு ஜானுடன் கிளம்பிப் போகிறார். அதே நேரத்தில்... இந்த வீடியோ.. லைவ் அல்ல.. என போஸீஸ் கண்டுபிடிக்கும் போது......, ஒரு லாக்கர் திறக்கப் பட.. அதனுள் டேனியல்.

இது எதுவும் தெரியாமல்.... எரிக் மேத்யூவ்ஸ்.. ஜானுடன் ஒரு கட்டிடத்திற்கு செல்ல... அங்கு எரிக் அடைக்கப் பட்டு, அவருக்கான... டெஸ்ட் துவங்குகிறது. எரிக்... தன்னுடைய காலை.... கொஞ்சம் கொஞ்சமாக சிதைத்து, எஞ்சியதை உடைத்துக் கொண்டு சங்கிலியில் இருந்து விடுபட்டாலும்.., எதிரில் வரும் அமேண்டாவோடு நடக்கும் சண்டையில் திரும்பவும் மயக்கமாக....., முகமூடியணிந்த ஒரு உருவம்.. எரிக்கை சிறையில் வைத்து... பாதுகாத்து வருகிறது.

இங்கிருந்துதான் Saw III & IV இரண்டும் தொடங்குகின்றன. இரண்டும் ஒரே நேரத்தில் நடக்கும் குழப்பமில்லாத வரிசையான நிகழ்ச்சிகள் + கொலைகள். எதை வேண்டுமானாலும் முதலில் பார்க்கலாம். வரிசைக்காக, முதலில் Saw III.

(இடது படத்தில் ஜெஃப்) ஒரு கார் ஆக்ஸிடெண்டில் தன் மகனை ஜெஃப் & லின் இழக்கிறார்கள். லின் ஒரு டாக்டர். இப்பொழுது இவர்களுக்கு இருப்பது ஒரே மகள் மட்டும். அமேண்டா மூலமாக, ஜான் மூவரையும் கடத்துகிறான். அவர்களின் மகள் யாருக்கும் தெரியாத ஒரு இடத்தில் ஜானால் மறைத்து வைக்கப் படுகிறாள் (இந்தக் குழந்தை Saw V -ல், மார்க் ஹாஃப்மேனால் காப்பற்றப் பட்டு போலீஸிடம் ஒப்படைக்கப் படுவதுபோல் காட்சி வரும்).

இந்த ஆக்ஸிடண்டிற்கு காரணமான கார் ஓட்டுனரின் உடம்பின் உறுப்புக்களை பார்ட்-பார்ட்டாக... முறுக்கி... நம் உடம்பு எந்த அளவிற்கு ஃப்ளெக்ஸிபில் என கண்டறியும்(?), ஜிக்ஸாவின் ஃபேவரிட் டூலை டெஸ்ட் செய்யும் விக்டிம் ரெடியாகிறான். கூடவே சாட்சி சொல்லாதப் பெண், குற்றவாளியை ஆறு மாத சிறை தண்டனையோடு தப்பிக்க விட்ட ஜட்ஜ் என எல்லோரும் கடத்தப்பட்டு ஒவ்வொரு விதமான முறையில் டெஸ்ட் டூலாக உபயோகப் படுகின்றனர். இந்த அத்தனை டெஸ்ட் டூல்களையும் டிஸைன் செய்தது அமேண்டா. இவையனைத்தும், குற்றவாளிகள் தப்பிக்கக் கூடாது என்ற வகையில் மட்டுமே டிஸைன் செய்யப் பட்டவை.

டூல்களை தயார் செய்வது மார்க் ஹாஃப்மேன். இந்த நேரத்தில் மார்க்கிற்கும், அமேண்டாவிற்கும் ஈகோ பிரச்சனை வருகிறது. இதனால் அமேண்டாவை கழற்றி விடப் பார்க்கும் மார்க்....,

ஜில் டக்-கின் (ஜானின் மனைவி) கருக் கலைப்பிற்கு, மறைமுகக் காரணம் அமேண்டாதான் என்ற உண்மையை.. (முதல் பதிவு) ஜானிடம் சொல்லப் போவதாகவும், அது வேண்டாமென்றால்... அவள் டாக்டர் லின்னை... ஆப்ரேஷன் வெற்றிகரமாக முடிந்தவுடன் கொல்ல வேண்டும் என ப்ளாக்மெய்ல் செய்யகிறான்.

டாக்டர் லின்... ஜானின்.. கேன்ஸருக்கு... ஆப்ரேஷன் செய்ய கட்டாயப் படுத்தப் படுகிறாள். ஜானின் இதயத் துடிப்பு நின்றாலோ, அல்லது ஜானை விட்டு தூரமாக சென்றாலோ, அவள் தலையில் சில துப்பாக்கிக் குண்டுகள் வெடிக்குமாறு ஒரு டூல் செட்டப் செய்யப் படுகிறது.

அதே நேரத்தில் டாக்டர் லின்னின் கணவன் ஜெஃப், அதே கட்டிடத்தின் வேறொரு பகுதியில், தன் மகனின் மரணத்திற்கு காரணமானவர்களின் விதியை தீர்மானிக்கும் டெஸ்டில் பங்கேற்கத் துவங்குகிறான். இதன் தப்ப முடியாத டிஸைனால், அத்தனை பேரும் இறக்கிறார்கள் (ஜட்ஜ் காப்பாற்றப் பட்டாலும், இன்னொரு டூலினால் இறந்து விடுவார்).

டாக்டர் லின் இந்த நேரத்தில், ஜானின் ஆப்ரேஷனை முடித்திருந்தாலும், அமேண்டா அவளை கொல்ல முயற்சிக்கிறாள்...., அது அமேண்டாவுக்கு வைக்கப் பட்ட டெஸ்ட் என்பது தெரியாமல்!!! அமேண்டாவுக்கு, ஜெஃப்தான் டாக்டர் லின்னின் கணவன் என்று தெரியாது.

அதே நேரத்தில் அந்த அறைக்குள் வரும் ஜெஃப், அமேண்டாவை கொல்ல, ஜான் எவ்வளவு சொல்லியும்... ஜானையும் கொல்கிறான். ஜானின் இதயத் துடிப்பு நிற்கும் போது, லாக் விடுபட.. டாக்டர் லின்னும் இறக்கிறாள்.

நடந்தது என்னவென்றே தெரியாமல் ஜெஃப் முழிக்க..., இந்த கட்டிடத்தின் இன்னொரு பகுதியில்... வேறொரு டெஸ்ட் நடந்து கொண்டிருக்கிறது.

(continue)

Thanks to HOllywoodbala

SAW movie 1 to 6 part - 1 விமர்சனம்

Saw-வின் ஆறாம் பாகம் போன மாதம் வெளி வந்ததும், பதிவை போடுவதற்குள், விஜய் மத்த ஐந்து பாகங்களையும் ‘சுருக்கமாக’வாவது எழுதிட்டு... ஆறை எழுதச் சொன்னார். ’சுருக்கமா’ என்னை எழுதச் சொல்லுறாரே-ன்னு ரொம்ப.. நாளா யோசிச்சி.. எப்படி எழுதறதுன்னு குழம்பிக்கிட்டே இருந்தேன்.

ஐந்து பாகங்களையும் சுருக்கமா ஒரே பதிவில் சொல்ல முடியுமான்னு தெரியலை. அதனால் ஆறு படங்களையும் சேர்த்து.. ஒரே கதையாக சொல்ல முடியுமா எனப் பார்க்கிறேன். நிறைய கேரக்டர்கள் பெயர் வரலாம். முடிந்த வரைக்கும் நினைவு வைத்துக் கொள்ளவும்.

எச்சரிக்கை: இதில் எந்த பாகத்தையாவது நீங்கள் பார்க்கவில்லை என்றால், படிக்க வேண்டாம். அது ஆறாவது பாகத்தையும் சேர்த்துதான். ஆனால்.. ஆறாவது பாகம் பெரிய ரேஞ்சில் எந்த சஸ்பென்ஸையும் வைத்திருக்க வில்லை. முதல் ஐந்து பாகங்களில் விடை தெரியாத சில கேள்விகளுக்கு, ‘சப்பை கட்டு’ கட்டவே இந்த பாகம் எடுக்கப் பட்டிருக்கிறது.

அதனால்.. படித்தாலும்.. ஒன்றும் பிரச்சனையில்லை-ன்னுதான் நினைக்கிறேன். ஆனாலும்.. உங்க இஷ்டம்!!!


ஜேம்ஸ் வான் என்ற ஒரு ஆஸ்த்ரேலிய இயக்குனரால், ஒரு குறும் படமாக ஆரம்பித்த Saw, இன்று ஹாரர் சரித்திரம். Saw படமில்லாமல், இன்று ஹாலோவீன் இல்லை. Saw -வின் முதல் பாகத்தின் மிகப் பெரிய வெற்றி (21 நாளில் எடுக்கப்பட்டது), லயன்கேட்ஸ் நிறுவனத்திற்கு பணங்காய்ச்சி மரமாய் தெரிய, எங்கெல்லாம்.. கதையை நுழைக்க முடியுமோ.. அதையெல்லாம் செய்து... குழப்பிக் கொண்டிருப்பதால்... முதல் பாகத்தில் இருந்து ஆறாம் பாகம் வரை கதை... முன் பின் நகரும்.

அதனால் பட வரிசையில் கதையை பார்க்க முடியாது. முடிந்த வரைக்கும் க்ரொனலாஜிகலாக சொல்ல முயற்சிக்கிறேன். தப்பிருந்தால்... திருத்தவும்.

ஜான் க்ரேமர் ஒரு என்ஜினியர். அவர் மனைவி ஜில் டக், நர்ஸ் (சரி பார்த்து இதை திருத்தி விடுகிறேன்). போதைப் பழக்கத்தில் இருந்து திருத்தும் க்ளினிக் ஒன்றை நடத்தி வருகிறாள். சிசில் என்ற ஒரு போதைப் பழக்க நோயாளியால், ஜில்-லின் கர்பம் கலைந்து விடுகிறது. சிசில் தப்பி விடுகிறான். (ஜில்-லின் கருக் கலைப்பு கசமுசாவில் ‘அமேண்டா’ என்பவளுக்கு தெரிந்தோ-தெரியாமலோ தொடர்பிருக்கிறது). இந்த கருக் கலைப்பு விவகாரத்தால், விரக்தியில் மனைவி ஜில்லை விட்டு..., ஜான் பிரிந்து விடுகிறார்.

ஜானுக்கு, கேன்ஸர் இருப்பது, டாக்டர் கார்டன் என்பவரால் கண்டு பிடிக்கப் படுகிறது. தன் கேன்ஸரை குணப் படுத்துவதற்க்காக தானே ஒரு டாக்டரை ஜான் கண்டு பிடிக்கிறார். ஆனால் அவரின் இன்ஸூரன்ஸ் கம்பெனியின் CEO, வில்லியம், தாங்கள் சொல்லும் டாக்டர்தான் இவரின் ஆப்ரேஷனை செய்ய முடியுமே தவிர... இவரால் எந்த டாக்டரையும் தேர்ந்தெடுக்க முடியாது என்று சொல்லி விடுகிறார். கூடவே.. இன்னும் ஒருவரது இன்ஸூரன்ஸ க்ளெய்மையும் நிராகரித்து விடுகிறார்.

(இடது புகைப் படத்தில் ஜில்) உயிர் வாழ விரும்பாத ஜான், தானே காரை விபத்துக்குள்ளாக்கி தற்கொலை செய்ய முயற்சிக்கிறார். எமனுக்குப் பதிலாக ஞான உதயம் வருகிறது. அன்றிலிருந்து மற்றவர்களின் வாழ்க்கையை உற்று கவனிக்க ஆரம்பிக்கிறான்.

தவறு செய்பவன், தானே திருந்தினால் ஒழிய, வேறு யாராலும் திருத்த முடியாது என்ற முடிவுக்கு வருகிறான். உயிரின் மதிப்பு யாருக்கும் தெரியவில்லை எனவும் அதை புரிய வைக்க வேண்டும் எனவும் தீர்மானிக்கிறான். யாரையும் கொல்லும் நோக்கம் ஜானுக்கு கிடையாது. பதிலாக, தான் வைக்கும் டெஸ்டில்.. பங்கேற்பவர்களே, தங்களை துன்புறுத்திக் கொள்ள வேண்டிய கட்டாயம். தப்பித்தால், செய்த தவறுகளை நினைத்து, இனி திருந்தி வாழ ஒரு கடைசி வாய்ப்பு.

ஜான், தன் பிறக்காத குழந்தையின் மரணத்திற்கு காரணமான சிசிலை, தன் முதல் டெஸ்ட் சப்ஜக்டாக தேர்ந்தெடுக்க, சிசிலின் கைகள் ஒரு நாற்காலியில் பிளேடோடு கோர்க்கப் பட்டு, முகத்திற்கு நேராக உள்ள கூரிய பிளேடுகளை, முகத்தாலே அழுத்தி, கைகளின் லாக்கை திறக்க வேண்டிய கட்டாயம். டெஸ்டில் பாஸாகியும், தானாகவே ஒரு முள் கம்பியில் விழுந்து சிசில் இறக்கிறான். (ஜான் இங்கிருந்து தன் டெஸ்ட்களை தொடர ஆரம்பிக்கிறான்).

மாட்டுபவர்களுக்கு, புதிர் வடிவில் தனது டெஸ்ட் டூல்களை வடிமைப்பதாலும், இறந்தவர்களின் உடலிலிருந்து, தோலை ஜிக்ஸா வடிவத்தில் வெட்டி எடுப்பதால், ஜானுக்கு, ஜிக்ஸா கில்லர் என்ற பட்டப் பெயர் கிடைக்கிறது.

அமேண்டா போதைப் பழக்கத்திற்கு அடிமையானவள். அவளை ஜான் கடத்த..., அவளின் டெஸ்ட்... உயிரோடு இருக்கும் ஒருவனின் வயிற்றை கிழித்து, உள்ளிருக்கும் சாவியை எடுத்தால், அவள் வாய்(?) தப்பிக்கும்.

ஜானின் டெஸ்டில் எல்லோரும் உயிர் விட, முதல் ஆளாய் அமேண்டா உயிர் பிழைக்கிறாள்.

ஜானின் இந்த ‘திருத்தும் முயற்சி’ பிடித்துப் போக, அமேண்டா, ஜானிடம் சிஷ்யையாகிறாள்.

கிட்டத்தட்ட இதே நேரத்தில்..................................

தன் சகோதரியை, கழுத்தை அறுத்துக் கொன்றுவிட்டு, வெறும் ஐந்து வருட சிறை தண்டனையோடு வெளியே வந்துவிடும் ஒருவனை (ஸெத் பேக்ஸ்டர்- இடது படத்தில்) , மார்க் ஹாஃப்மேன் (அடுத்தப் படத்தில்) என்னும் போலீஸ் டிடக்டிவ், ஜிக்ஸா -வின் டெஸ்ட் போல ஒன்றை உருவாக்கி, சகோதரியின் கொலைக்கு பழி வாங்குகிறான். அப்பொழுதிலிருந்து “I know who you are” என்று எழுதப் பட்ட கார்ட் அவன் அறையில் கிடைக்க ஆரம்பிக்கிறது.



ஒரு கட்டத்தில் அதை எழுதி வைப்பது ஜான் என நமக்குத் தெரிய வரும்போது, அவன் ஜானால் கடத்தப் படுகிறான். ஜான்.., மார்க்கிடம் - தனக்கு உதவியாளனாய் சேருமாறு ப்ளாக் மெய்ல் செய்ய, மார்க் ஒப்புக் கொள்கிறான்.

மார்க்கும் - ஜானும் சேர்ந்து, ‘தன் கையை தானே அறுத்துக் கொண்டு மற்றவர்களின் கவனத்தை தன்பக்கம் திருப்ப முயற்சிக்கும் ஒருவனை கடத்துகிறார்கள்.

ஒரு கூண்டுக்குள், முள்கம்பிகளை அமைத்து, ஒரு பக்கத்தில் இருந்து... கதவு இருக்கும் இன்னொரு பக்கத்திற்கு போவதாக டெஸ்ட் டூல் அமைக்கிறார்கள். கிட்டத்தட்ட கூண்டின் கதவை அடைந்துவிட்டாலும்... அவன் உயிர் விடுகிறான். அந்த இடத்தில் ஜான், தன் டாக்டர் கார்டனின் பேனா டார்ச்லைட்டை தடயமாக வைத்துவிட்டுப் போகிறார்.

2012 - படத்தில் அமெரிக்க ஜனாதிபதியாக வருவாரே ஒரு ராப்பிச்சை: அவரும், இன்னொரு சைனீஷ் பார்ட்னரும்... இந்த கூண்டில் இறந்தவனின் கேஸை கவனிக்க வருகிறார்கள். அப்பொழுது டாக்டர் கார்டனின் டார்ச்லைட் கிடைக்கிறது. இதை வைத்து டாக்டர்தான் ஜிக்ஸாவோ என்ற எண்ணம்... ராப்பிச்சைக்கு வருகிறது. டாக்டர் விசாரணைக்கு அழைக்கப் படுகிறார்.

அதற்கு அடுத்த அறையில் அமேண்டா... தான் எவ்வாறு ‘டெஸ்ட்’ செய்யப்பட்டாள் என போலீஸிற்கு சொல்லிக் கொண்டிருக்கிறாள்.

ராப்பிச்சையும், சைனீஸும்... வீடியோவில் கேட்கும் ஃபயர் அலாரத்தை வைத்து, ஜிக்ஸாவின் இடத்தைக் கண்டு பிடிக்கிறார்கள். பிடிக்கப் போகும் நேரத்தில், ராப்பிச்சையின் கழுத்து அறுபட, சைனீஸ் புத்தரை மீட் பண்ண.. மேலோகம் போகிறார்.

அன்றிலிருந்து ராப்பிச்சைக்கு.. ஜிக்ஸா மேல் அலாதி பிரியம் வந்து..., துரத்த ஆரம்பிக்கிறார். ஆனால்.. தவறுதலாக... அந்த ஜிக்ஸா டாக்டர் கார்டன் என நினைத்து, அவரைப் பின் தொடர ஒரு போட்டோக்ராஃபரை ஏற்பாடு செய்கிறார்.

டாக்டர் கார்டனையும், போட்டோக்ராஃபரையும், அமேண்டா கடத்துகிறாள். அவர்கள் இருவரும், தனித்தனி சங்கிலிகளால் கட்டப்பட..., இந்த டெஸ்டில், நடுவில் பிணமாக ஜான் பங்கெடுக்கிறார்.

அதே நேரத்தில் ஸெப் என்பவனுக்கு ஸ்லோ பாய்ஸன் கொடுக்கப்பட்டு, அதன் முறிவு மருந்திற்காக டாக்டர் கார்டனின் மனைவி-குழந்தையை அவர்கள் வீட்டிலேயே சிறை வைக்க பணிக்கப் படுகிறான்.

டெஸ்டின் முடிவில் டாக்டர் தன் காலை அறுத்துக் கொண்டு அந்த அறையில் இருந்து வெளியேற, ஸெப்பால்... சுடப்பட்ட போட்டோகிராஃபர் குற்றுயிராக அந்த அறைக்குள்ளேயே அடைக்கப் படுகிறான். சண்டையில் ஸெப் காலி.
தன் காலை அறுத்துக் கொண்டு வெளியேறிய டாக்டரின் நிலைமையும் இதுவரை வெளிப்படையாக எந்தப் படத்திலும் சொல்லப் படவில்லை (ஒரு இண்டர்வ்யூவில்..., இனிமேல் வரும் பாகங்களில் தெரியலாம் என சொல்லியிருக்கிறார்கள்).
அமேண்டாவால், போட்டோகிராஃபர் ஆடம் (இந்த ஒல்லிபிச்சான் தான்... முதல் மூன்று பாகங்களின் கதை-திரைக்கதை ஆசிரியர், எல்லா பாகங்களுக்கும் எக்ஸாக்யுட்டீவ் ப்ரொடியூஸர்) (கருணைக்) கொலை செய்யப் படுகிறான். இதில் அமேண்டா ரொம்ப உணர்ச்சி வசப்படுபவள் எனத் தெரிகிறது.

ஜானின் நோக்கம், டெஸ்டில் வெற்றியடைபவர்களுக்கு, உயிர் வாழ வாய்ப்பளிப்பது. ஆனால் அமேண்டாவின் நோக்கம் அதுவல்ல.

(தொடரும்) in part 2
thanks to HOllywood bala :)